កាលពីខែមុន McDonald ចាប់ដៃគូសហការជាមួយនឹង BTS បញ្ចេញឈុតអាហារមានឈ្មោះថា «BTS Meal» ជាអាហារដែលបង្កើតឡើងតាមរយៈចំណូលចិត្តរបស់សមាជិកក្រុម BTS នីមួយៗ លក់ចេញជាង ៣០ទីផ្សារជុំវិញពិភពលោក ទទួលបានជោគជ័យលើការលក់យ៉ាងមហាសាលនៅក្នុងប្រទេសកូរ៉េ។
សូមចុចអាន លម្អិត ៥ចំណុច «Now We Are Breaking up» រឿងភាគថ្មី Song Hye Kyo ហៅជីអ៊ុន!
កាលពីថ្ងៃទី២៣ ខែមិថុនា ឆ្នាំ២០២១ McDonald កូរ៉េបានប្រកាសជាផ្លូវការថាអាហារដែលបានដាក់លក់ចាប់តាំងពីថ្ងៃទី២៧ ខែឧសភា នៅក្នុងប្រទេសលក់បានជាង១.២លានឈុត សម្រាប់ BTS Meal នៅក្នុងប្រទេសកូរ៉េតែមួយមុខគត់។
បន្ថែមលើនេះ ភាពល្បីល្បាញនិងប្រជាប្រិយភាព នៃអាហារ BTS បានលក់ចេញនូវ Chicken McNuggets គិតត្រឹមថ្ងៃទី២៧ ឧសភា ដល់ថ្ងៃទី២១ ខែមិថុនា ឈុតអាហារប្រភេទនេះលក់ចេញបាន ២៥០% ត្រឹមតែ៤សប្ដាហ៍នៃការលក់ចេញតែប៉ុណ្ណោះ។
តំណាង McDonald កូរ៉េបានប្រកាសថា៖ «ចាប់តាំងពីដាក់លក់ចេញ BTS Meal អតិថិជនគ្រប់កម្រិតអាយុ គ្រប់ភេទ បានពេញចិត្តចំពោះអាហារនេះ ហើយជាលទ្ធផល យើងបានលក់ចេញមុខអាហារនេះនូវចំនួនមួយដែលគួរជាទីភ្ញាក់ផ្អើលបំផុត»
អាហារដែលមានឈ្មោះថា BTS Meal នឹងបើកការលក់រហូតដល់ថ្ងៃទី៣០ ខែមិថុនា ឆ្នាំ២០២១ នេះ ក្រុមហ៊ុន McDonald នៅសាធារណរដ្ឋកូរ៉េបានបន្ថែមថា ៖ «ខណៈដែលអាហារនេះនៅបន្តលក់មួយសប្ដាហ៍ទៀត យើងខ្ញុំសង្ឃឹមថានឹងមានអតិថិជនច្រើនមកភ្លក់រសជាតិដ៏ឈ្ងុយឆ្ងាញ់របស់អាហារឈុតនេះ នៅថ្ងៃដែលនៅសល់ត្រឹមប៉ុន្មានថ្ងៃខាងមុខនេះទៀត»៕
