ក្រសួងសុខាភិបាល បានប្រកាសនៅថ្ងៃនេះថា អ្នកស្លាប់ដោយសារជំងឺកូវីដ១៩ថ្មី មានចំនួន៣៦នាក់ ដែលធ្វើឲ្យអ្នកស្លាប់សរុបកើនដល់ ៦៩៦នាក់ ។
ទន្ទឹមនឹងនេះ ក្រសួងបានរាយការណ៍ទៀតថា កម្ពុជាមានអ្នកឆ្លងកូវីដ-១៩ ថ្មី ចំនួន ៩៤៨ករណី និងជាសះស្បើយថ្មី ៦១៥ករណី។
គិតរហូតមកដល់ពេលនេះ ក្រសួងសុខាភិបាល បានរកឃើញករណីឆ្លងវីរុសកូវីដ១៩ សរុប ៥៣,២៩៨នាក់ ក្នុងនោះអ្នកជំងឺ៤៦,១២៣នាក់ បានជាសះស្បើយ និង៦៩៦នាក់បានស្លាប់៕
