សិល្បៈជាតិ៖ មុននេះបន្តិច សារព័ត៌មានត្រយងបានទទួលដំណឹងមកថា មហាជនអ្នកលេងបណ្ដាញសង្គមមានអារម្មណ៍ក្ដៅក្រហាយខ្លាំងនិងប្រតិកម្មចំពោះលោក ឯម រាម ជាខ្លាំង បន្ទាប់ពីលោកបានបោះសម្ដីនៅលើបណ្ដាញសង្គម ជាសំណេរសង្កត់ធ្ងន់ថា ៖ «១លាន បេះដូងក្លែងក្លាយ» ស្របពេលដែលកម្ពុជាត្រៀមបំបែកឯតទគ្គកម្មពិភពលោក ១លានបេះដូង នាថ្ងៃស្អែកនេះ។
មហាជនអ្នកលេងបណ្ដាញសង្គមចាប់បានថា លោក ឯម រាម បានបង្ហោះសារនៅថ្ងៃទី ១០ ខែមេសា នេះថា ៖ «១លាន បេះដូងក្លែងក្លាយ បើថវិការរដ្ឋសូមចូលរួមសោកស្ដាយ តែបើជាទឹកចិត្តរបស់បងប្អូន មិនគូនៅទីនេះ….»។ យ៉ាងណាមិញ សារនេះត្រូវបានគេអះអាងថា លោកបានលុប និងកែតម្រូវឡើងវិញច្រើនលើកច្រើនសារជា ៖ «១លាន បេះដូងចំរុះពណ៌»។
យ៉ាងណាមិញ មហាជនអ្នកលេងបណ្ដាញសង្គមមានមតិប្រតិកម្មយ៉ាងខ្លាំង និងលើកឡើងផ្សេងៗគ្នាដូច្នោះ៖
«តើបុគ្គល Em Riem ចង់បានប្រជាប្រិយភាព ភាពទាក់ទាញ តាមវិធីបែបនេះមែនទេ ? យើងពិតជាសោកស្ដាយចំពោះការលើកឡើងរបស់លោក ខណៈដែលយុវជន ប្រជាជនកម្ពុជា រាប់លាននាក់បានរួមចំណែកក្នុងការបង្កើតបេះដូង ក្នុងន័យបង្ហាញពីការគោរពស្រឡាញ់ បង្ហាញក្ដីស្រឡាញ់ចំពោបងប្អូនជាជនពិការ សិល្ប:ករសិល្ប:ការនី កីឡាករកីឡាការនីជាជនពិការ និងជាសាមគ្គីភាពរបស់កម្ពុជាតែមួយ ។»
«ឱ លោកបង ឯម រៀម អើយ! បើថាបំពុលសង្គម អោយដឹងថា បំពុលសង្គម, គ្រាន់តែ Status លោកផុសមួយ កែឡើងចង់10ដង សួរថា តើលោកផុសដើម្បីអ្វី? មុនផុសមានគិតទេ? រឺអាងសុំទោស? អក្សរសរសេរមិនដែលត្រូវ សុទ្ធតែបណ្ឌិតរៀនចប់ក្រៅប្រទេស អក្សរសាស្ត្រខ្មែរ សរសេរមិនត្រូវផង ហៅខ្លួនឯងបណ្ឌិត ខ្ញុំខ្មាសមាត់ខ្លួនឯងណាស់ យំសិន។»
«ខ្ញុំជាអ្នកបត់បេះដូងផ្ទាល់ដៃ ក៏ដូចជាប្រជាជនជាច្រើនម៉ឺននាក់ទៀត តើអ្នកគិតថាជាក្លែងក្លាយ? ម៉េចក៏លោកឈានដល់ដំណាក់កាលនេះ? ឬទស្សន:បែបបរទេសនិយមពេក មើលរំលងអ្វីដែលជាខ្មែររួមគ្នាខំធ្វើ? តើគេធ្វើនេះ ដើម្បីមនុស្សប៉ុន្មានម៉ឺននាក់ ឬតំណាងឲ្យជាតិខ្មែរទាំងមូល? ល្មមៗបានហើយ កុំយកបរទេសនិយម បំពានខ្មែរខ្លួនឯង រួចស្រែកប្រាប់គេថា ខ្ញុំស្រលាញ់ខ្មែរនោះ។ ទុកឲ្យខ្មែរមួយនគរស្រលាញ់ផង កុំមួយប្រទេសមានតែមួយអី។»
«ចេញមកអោយតែគេជេរ រួចតាំងចេញវីដេអូយំល្ហេមល្ហាម គេគ្រប់គ្នាខំណាស់ទំរាំបានចេញជារូបរាងចេញមកតែភ្លើចេះឯងបានគេជេរមិនខុសនោះ»
«ទស្សនៈរបស់លោក ចង់បានន័យយ៉ាងម្ដេច? និយាយមកសុទ្ធតែក្លែងក្លាយ? គ្រប់បេះដូងដែលបងប្អូនខ្មែរបានបត់ ប៉ុណ្ណឹងគេមិនចាំបាច់ប្រើថវិការរដ្ឋទេ គេស្រឡាញ់ខ្មែរគេប្រើថវិកាផ្ទាល់ខ្លួនមកទិញបត់បាន លោកបើមិនដឹងកុំចេញសម្ដីហួសពេក។»
នៅមានមតិជាច្រើនទៀតដែលមិនបានពេញចិត្តនឹងសម្ដីរបស់លោក ឯម រាម ដែលបានលើកឡើងដូចខាងលើនេះ។
ជាមួយករណីនេះ សារព័ត៌មាន ត្រយង បានព្យាយាមសួរនាំលោក ឯម រាម ពីបញ្ហានេះ ដើម្បីបំភ្លឺបន្ថែម ប៉ុន្តែលោកនៅមិនទាន់បានឆ្លើយនៅរសៀលនេះនៅឡើយទេ៕
https://t.me/troryorngmedia