ប្រតិភូបេសកជនពិសេសដឹកនាំដោយឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេសនៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី ៣២ និងកីឡាប៉ារ៉ាហ្គេមលើកទី១២ លោកបណ្ឌិតសាស្ត្រាចារ្យ សេង ប៊ុនសុង តំណាងគណៈកម្មាធិការជាតិកីឡាអូឡាំពិកកម្ពុជា និងសហការី បានធ្វើដំណើរចាកចេញពីប្រទេសសិង្ហបុរី នៅថ្ងៃទី ១៥ ខែមេសា ឆ្នាំ ២០២៣ ឆ្ពោះទៅកាន់ប្រទេសថៃ។
តាមគម្រោងព្រះអគ្គីជ័យកីឡា និងភ្លើងគប់នឹងត្រូវដង្ហែនៅក្នុងរាជធានីបាងកក ព្រះរាជាណាចក្រថៃ នៅថ្ងៃទី ១៧ ខែមេសា ឆ្នាំ២០២៣។
តាមគ្រោងព្រះអគ្គីជ័យកីឡាត្រូវដង្ហែតាមបណ្ដាប្រទេសសមាជិកអាស៊ាន និងប្រទេសទីម័រខាងកើតព្រមទាំងហែជុំវិញបណ្ដាខេត្តដែលនៅជាប់នឹងបឹងទន្លេសាបនៃព្រះរាជាណាចក្រកម្ពុជា ខណៈកម្ពុជា ធ្វើជាម្ចាស់ផ្ទះនៃការប្រកួតកីឡាស៊ីហ្គេមលើកទី ៣២ នៅថ្ងៃទី ៥ ខែឧសភា ឆ្នាំ ២០២៣ តទៅ៕