សិល្បៈជាតិ៖ ថ្មីៗនេះតារាសម្ដែង និង ជាអ្នកលេងក្បាច់គុនល្បុក្កតោ កញ្ញា សម ថារ័ត្ន បានបង្ហោះរូបថតមួយសន្លឹក ដោយបញ្ជាក់ពីក្ដីរំភើបរបស់ខ្លួនទាំងកណ្ដាលយប់ ដោយសារតែទទួលបានការ ពញាក់អារម្មណ៍ពី Tony Jaa តារាក្បាច់គុនអ្នកល្បីល្បាញកម្រិតអន្តរជាតិ។
បើមើលតាមការរៀបរាប់របស់ សម ថារ័ត្ន ដែលបានរៀបរាប់ពីក្ដីរំភើបរបស់ខ្លួននោះ អ្នកលេងក្បាច់គុនរូបនេះបានរៀបរាប់ពីចំណាប់អារម្មណ៍ផ្ទាល់ខ្លួនដែលមានឱកាសបានជួប Video Call ជាមួយនឹងលោក Tony Jaa ប៉ុន្តែកញ្ញាបានបញ្ជាក់ដែររឿងចម្រូងចម្រាសរវាងប្រទេសទាំងពីរកញ្ញាសុំទុកមួយឡែកសិន ព្រោះការស្រលាញ់ចូលចិត្តអាយដលគឺលោក ចាភ្នំ គឺនៅដដែល។
បន្ទាប់ពីកញ្ញាបង្ហោះសំណេររៀបរាប់រួច គេមើលឃើញមានមិត្តសិល្បករ និងសាធារណជនជាច្រើនរូបបានចូលមកសម្ដែងចំណាប់អារម្មណ៍ខុសៗគ្នា មានទាំងអ្នកសរសើរ និងអ្នកមិនសូវពេញចិត្ត។ យ៉ាងណាមិញ តារាក្បាច់គុនល្បីឈាមជ័រខ្មែរ Dy Sao ក៏បានចូលរួមបង្ហាញចំណាប់អារម្មណ៍របស់ខ្លួនខាងក្រោមផុសរបស់កញ្ញាសមថារ័ត្នដែរថា៖«Bong Tony Jaa is amazing ឬ បងតូនី ចា គឺជាមនុស្សអស្ចារ្យម្នាក់»។ ក្រោយការបញ្ចេញយោបល់ពីលោក Dy Sao រួច សមថារ័ត្ន បានឆ្លើយតបមកលោកវិញថា៖«bong DY Sao you are also amazing bong! Keep working បងឌីសៅ បងក៏ជាមនុស្សអស្ចារ្យដូចគ្នា សូមបងបន្តប្រឹងប្រែងទៀត»។
ថ្វីត្បិតតែកម្ពុជាមានរឿងរសើប និងមើលមុខគ្នាមិនចំពាក់ព័ន្ធនឹងករណីគុនថៃ(មួយថៃ) និងគុនល្បុក្កតោខ្មែរ ប៉ុន្តែដូចពាក្យស្លោកថា ប្រទេសតូចបេះដូងធំ តារាក្បាច់គុនទាំងពីរដួងរបស់កម្ពុជាបានបង្ហាញពីសន្តានចិត្ត រួសរាយនិងទឹកចិត្តដ៏ធំ គោរពរាប់អាន មិនរើសអើង ចែកគ្នាដាច់ស្រឡះរឿងឯកជនរបស់ខ្លួន។
ខាងក្រោមនេះគឺជាការលើកឡើងរបស់កញ្ញា អ៊ំ សមថារ័ត្ន នៅលើបណ្ដាញសង្គមហ្វេសប៊ុក៖«បានបងធំ Jaarun ខលមកអោយជួបអាយដលចាភ្នំ 
ឡើងអរចង់ហោះ! (រឿងថៃចម្រូងចម្រាសនឹងខ្មែរ សុំទុកមួយឡែកសិន រឿងស្រលាញ់ចូលចិត្តអាយដលគឺនៅដដែល) 
#idol#tonyjaa Thank you so so much bong Jaarun Noylum for this awesome video call meet and greet with my idol 
! You made my Sunday great! Thank you brother Seng Stunt Scene Like and Happy birthday to YOU sister Siwapron Pengsree 
!»
