គ្រូបង្រៀនដើរម៉ូដ និង ជាអ្នកច្នៃម៉ូដដ៏ល្បីមួយរូប លោក អូលីវ៉ា គង់ បានបង្ហោះចេញនូវវីដេអូមួយដែលមានរយៈពេលជាង៣នាទី លើគណនីហ្វេសប៊ុករបស់លោក ដោយក្នុងវីដេអូនោះ លោកបានយំរៀបរាប់ពីការលំបាកទម្រាំអាចឡើងដល់លើកំពូលភ្នំខ្នងផ្សារនិងមូលហេតុដែលធ្វើឱ្យលោកមិនបោះបង់ចោលកណ្ដាលទី។
វីដេអូរំជួលចិត្ត និយាយបណ្ដើរស្រក់ទឹកភ្នែកបណ្ដើរ របស់លោក លោក អូលីវ៉ា គង់ បានធ្វើការបង្ហោះនៅលើបណ្ដាញសង្គមតាមរយៈគណនីហ្វេសប៊ុកផ្ទាល់ខ្លួន ដែលមានឈ្មោះជាភាសាអង់គ្លេសថា OLIVA KONG គឺជាវីដេអូខ្លី ប៉ុន្តែបង្កប់ទៅដោយសារអប់រំ ដល់យុវជនជំនាន់ក្រោយ។
តាមការពិតការឡើងលើកំពូលភ្នំរបស់លោក អូលីវ៉ា គង់ លើកនេះគឺមានគោលដៅផ្ញើសារសំខាន់មួយទៅកាន់យុវជនជំនាន់ក្រោយ ត្រូវតែរឹងមាំ ចង់បានអ្វីមួយមិនមែនអាចបានមកដោយងាយៗនោះទេ គ្រប់យ៉ាងត្រូវតែមានការខំប្រឹងប្រែង លោកក៏បានលើកជាឧទាហរណ៍ពីបទពិសោធផ្ទាល់ខ្លួន ដែលទោះបីជាលោកហត់នឿយខ្លាំង ឈឺចុកចាប់រាងកាយក្ដី ស្ពាយគ្រឿងតុបតែងខ្លួនផង ពាក់ស្បែកជើងកែងផង ប៉ុន្តែលោកមិនបោះបង់ចោលនោះទេ ព្រោះលោកមានក្ដីស្រមៃធំ ដែលលោកចង់បង្ហាញ។
ទស្សនាវីដេអូខាងក្រោមដើម្បីស្ដាប់ការរៀបរាប់របស់ លោក អូលីវ៉ា គង់ យ៉ាងលម្អិត ៖
