សិល្បៈអន្តរជាតិ៖ មហាសេដ្ឋិនី Anne Jakraitatip មេស្ថាប័ន Miss Universe Organization ចេញមុខសុំទោសចំពោះនាង Catriona Gray Miss Universe ហ្វីលីពីន ឆ្នាំ២០១៨ ប៉ុន្តែលោកស្រីបដិសេធមិនឆ្លើយតបពីមូលហេតុ។
នៅក្នុងកម្មវិធី «Fast Talk With Boy Abunda» ពិធីករបានសួរលោកស្រី Anne តើមានរឿងរ៉ាវអ្វីកើតឡើង ព្រោះពេលនោះគេឃើញមហាសេដ្ឋិនីកែភេទ និងអតីតម្ចាស់មកុដបាននិយាយជាមួយគ្នានៅខាងក្រោយឆាក។
ពិធីករបានលើកឡើងថា «នៅលើឆាកនោះគេមើលឃើញលោកស្រីនិង Catriona Gray កាន់ដៃគ្នាហើយ ជជែកគ្នា អ្នកទាំងពីរនិយាយរកគ្នា សំនួរដែលខ្ញុំសួរលោកស្រីនៅថ្ងៃនេះគឺ តើថ្ងៃនោះលោកស្រីនិយាយគ្នាពីរឿងអីដែរ?»
«ខ្ញុំគោរពចំពោះនាងខ្លាំងណាស់ ហើយនេះគឺជាលើកទីមួយដែលយើងបានជួបមុខគ្នា ខ្ញុំនិយាយនេះគឺជាការពិត ខ្ញុំនិយាយរកនាងដោយទឹកចិត្តស្មោះ ខ្ញុំ Anne Jakrajutatip ខ្ញុំមកទីនេះ ដើម្បីនិយាយពាក្យសុំទោសចំពោះអ្វីដែលបានកើតឡើងនៅអតីតកាល។ ខ្ញុំពិតជារីករាយដែលអ្នកមកប្រទេសថៃ ស្វាគមន៍ចូលរួមជាគ្រួសារ JKN និងស្ថាប័ន Miss Universe Organization។ ខ្ញុំស្រលាញ់នាងអស់ពីបេះដូង។»
ថ្វីត្បិតតែនិយាយពីរឿងនេះប៉ុន្តែ លោកស្រី មិនចង់និយាយពីមូលហេតុដែលធ្វើឱ្យលោកស្រីសុំទោសចំពោះម្ចាស់មកុដឆ្នាំ២០១៨នោះឡើយ។ លោកស្រីគ្រាន់តែពោលយ៉ាងខ្លីថា «មែនហើយ! ខ្ញុំមិនចាំបាច់ត្រូវឆ្លើយនោះទេ»។
លោកស្រីគ្រាន់តែបន្ថែមថា៖ «ខ្ញុំគ្រាន់តែចង់ដករឿងនេះចេញពីទ្រូង។ ខ្ញុំចាំបាច់ត្រូវតែធ្វើ។ ចាប់ពីពេលនេះតទៅពួកយើងត្រូវធ្វើការជាមួយគ្នា ដូច្នេះយើងយករឿងចាស់ៗចេញឱ្យអស់ ហើយឈប់និយាយពីរឿងនោះ ឈប់រំលឹកពីវាទៀត»
មានដំណឹងចចាមអារ៉ាមចេញមកថា អតីតមិត្តប្រុសរបស់ Catriona ឈ្មោះ Clint Bondad គឺជាគូស្នេហ៍របស់ Anne។ Catriona និង Clint បានប្រកាសបែកគ្នាជាសាធារណៈកាលពីខែកុម្ភៈ ឆ្នាំ២០១៩ ខណៈដែលមានដំណឹងលេចឮថា Anne និង Clint ចាប់ផ្ដើមទាក់ទងគ្នានៅខែតុលា ឆ្នាំ២០១៩៕
ប្រភព៖ philstar