ក្រុមបាល់ទាត់នារីជម្រើសជាតិកម្ពុជា នឹងត្រូវជួបក្រុមបាល់ទាត់នារីជម្រើសជាតិថៃ នៅរសៀលនេះ ដើម្បីប្រកួតដណ្ដើមមេដាយសំរឹទ្ធ ខណ: ក្រុមនារីវៀតណាម ប៉ះ មីយ៉ាន់ម៉ា ដណ្ដើមមេដាយមាស នៃព្រឹត្តិការណ៍ស៊ីហ្គេម លើកទី៣២ នៅពហុកីឡដ្ឋានជាតិ។
គួរឲ្យដឹងថា ក្រុមជម្រើសជាតិនារីកម្ពុជា បានចាញ់ វៀតណាម ក្នុងលទ្ធផល ៤-០ និង ក្រុមនារីមីយ៉ាន់ម៉ា បានយកឈ្នះថៃ ក្នុងលទ្ធផល ៤-២ នៅវគ្កពាក់កណ្ដាលផ្ដាច់ព្រ័ត្រ នៃព្រឹត្តិការណ៍ ស៊ីហ្គេម លើកទី៣២ ធ្វើឲ្យ វៀតណាម ត្រូវប៉ះ មីយ៉ាន់ម៉ា នៅវគ្គផ្ដាច់ព្រ័ត្រ ដើម្បីដណ្ដើមមេដាយមាស។
កម្មវិធីប្រកួតបាល់ទាត់នារីនៅរសៀលនេះ៖
- ក្រុមបាល់ទាត់នារីជម្រើសជាតិកម្ពុជា ប៉ះ ថៃ ដណ្ដើមមេដាយសំរឹទ្ធ វេលាម៉ោង ៤:០០នាទីរសៀលតទៅ នៅពហុកីឡដ្ឋានជាតិ
- ក្រុមបាល់ទាត់នារីជម្រើសជាតិវៀតណាម ប៉ះ មីយ៉ាន់ម៉ា ដណ្ដើមមេដាយមាស វេលាម៉ោង ៧:៣០នាទីយប់តទៅ នៅពហុកីឡដ្ឋានជាតិ
គួរបញ្ជាក់ថា ការប្រកួតបាល់ទាត់ផ្នែកនារី នៃព្រឹត្តិការស៊ីហ្គេម លើកទី៣២ មានក្រុមចូលរួមចំនួន ៨ប្រទេស ចែកជា ២ពូលមានដូចជា៖ ពូល A មាន៖ វៀតណាម, ហ្វីលីពីន, មីយ៉ាន់ម៉ា, ម៉ាឡេស៊ី , ឥណ្ឌូនេស៊ី និងពូល B មាន៖ កម្ពុជា, ថៃ, សិង្ហបុរី, ឡាវ៕
