ថ្មីៗក្ដៅៗ តារាចម្រៀងមានទេពកោសល្យខ្ពស់លើការតុបតែងខ្លួនបែប Fashion ប្លែកៗ គួរឱ្យចាប់អារម្មណ៍ កញ្ញា ទេព បូព្រឹក្ស ទើបតែផុសរូបថត៤ សន្លឹកនៅលើបណ្ដាញសង្គម ជាមួយនឹងការតុបតែងខ្លួនប្លែកនិងគួរឱ្យចាប់អារម្មណ៍ទៀតហើយ ប៉ុន្តែខនស៊ិបលើកនេះ ធ្វើឱ្យអ្នកគាំទ្រនឹកលោកយាយ អែលឡា (Cruella) ពីភាពយន្តតុក្កតាដ៏ល្បីល្បាញរឿង «ឆ្កែ ១០១ (101 DOGS)»។
រូបថត ៤សន្លឹក ដែលតារាចម្រៀងរូបនេះបានបង្ហោះនៅថ្ងៃទី១០ ខែកក្កដា ត្រឹមតែ២៤ នាទីប៉ុណ្ណោះ មានចំនួន Shares ចំនួន ៥៥ មានចំនួន Likes ២.៨K និង មានអ្នកចូលរួម Comments រហូតដល់ជាង ១០០ ដោយភាគច្រើនបានបង្ហាញនូវការគាំទ្រ និង លើកសរសើរចំពោះការពូកែច្នៃប្រឌិតរបស់តារាចម្រៀងស្រីម្ចាស់បេះដូង Rapper ល្បីលោក G-Devith។
យ៉ាងណាមិញម្ចាស់ខ្លួន មិនបានលាក់បាំងឡើយថាកញ្ញា បាន Concept នេះពីម្ចាស់ដើមគឺតួអង្គកាចចិត្តអាក្រក់ដ៏ល្បីល្បាញជាប្រវត្តិសាស្ត្រព្រោះមិនមានក្មេងណាម្នាក់ដែលទស្សនារឿង «ឆ្កែ១០១ (101 DOGS» ហើយមិនស្គាល់ «យាយអែលឡា» ម្ចាស់សក់សពាក់កណ្ដាល ខ្មៅពាក់កណ្ដាល ដោយកញ្ញាមានបញ្ជាក់នៅខាងក្រោមសំណេររបស់កញ្ញា តាមរយៈការ Comment ថា គេកាន់ឆ្កែ តែខ្ញុំកាន់ឆ្មា។
ចង់ដឹងថាស្ទីលតុបតែងខ្លួន យាយអែល ដែលតុបតែងច្នៃប្រឌិតឡើងវិញតាមរបៀបកញ្ញា ទេព បូព្រឹក្ស ស្រស់ស្អាត ប៉ុណ្ណាទស្សនារូបភាពខាងក្រោមនេះ ៖