សមាគមកីឡាបាល់ទាត់ថៃ ช้างศึก បានចេញសេចក្តីប្រកាសនៅថ្ងៃទី២៣ ខែឧសភា ឆ្នាំ២០២៣ ជុំវិញករណីប៉ះទង្គិចគ្នារវាងក្រុមជម្រើសជាតិថៃ និងឥណ្ឌូណេស៊ី វគ្គផ្តាច់ព្រ័ត្រ នៃព្រឹត្តិការណ៍ស៊ីហ្គេម នៅពហុកីឡដ្ឋានជាតិ។
បើតាមគណៈកម្មាធិការស៊ើបអង្កេតក្រមសីលធម៌បានប្រកាសថា៖
-ព្យួរការងារគ្រូបង្វឹកអ្នកចាំទីលោក Prasadchok Chokmoh លោក Mayed Matadam និងលោក Patrawut Wongsripuek បុគ្គលិកផ្នែកគ្រប់គ្រងក្រុម រយៈពេល ១ឆ្នាំ។
-អ្នកចាំទី Soponwit Rakyart កីឡាករបម្រុង Teerapak Pruengna ពាក់អាវលេខ ១៨ ត្រូវពិន័យព្យួរពីបាល់ទាត់គ្រប់កម្មវិធីប្រកួតទាំងអស់រយៈពេល ៦ខែ។
គួរដឹងថាការប្រកួតដណ្តើមមេដាយមាស លើវិញ្ញាសាបាល់ទាត់បុរសនៃព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ រវាងក្រុមបាល់ទាត់ជម្រើសជាតិអាយុក្រោម២២ឆ្នាំ ឥណ្ឌូណេស៊ី នឹងថៃ បានបញ្ចប់នៅឯពហុកីឡដ្ឋានជាតិ រាជធានីភ្នំពេញ ដោយឥណ្ឌូណេស៊ីជាម្ចាស់ជ័យជម្នះក្នុងលទ្ធផល ៥-២ ជាមួយនឹងការប្រកួតដ៏ចម្រូងចម្រាស និងមានប៉ះទង្គិចគ្នាយ៉ាងខ្លាំងរវាងក្រុមគ្រូបង្វឹក និងកីឡាករនៃក្រុមទាំងសងខាង។
ជ័យជម្នះនេះគឺជាមេដាយមាសលើកដំបូងរបស់ U-22 ឥណ្ឌូនេស៊ី វិញ្ញាសាបាល់ទាត់បុរស ក្រោយខកខានឈ្នះតាំងពីឆ្នាំ ១៩៩១ មកម្ល៉េះ ពោលគឺត្រូវរង់ចាំអស់រយ:ពេល៣២ឆ្នាំទើបបានសម្រេច និងជាលើកទី៣ (១៩៨៧, ១៩៩១ និង ២០២៣) ប្រចាំប្រវត្តិសាស្រ្តរបស់ពួកគេ៕