សិល្បៈអន្តរជាតិ៖ យោងតាមការបង្ហោះនៅលើបណ្ដាញសង្គម Twitter របស់ Pop Base បានបង្ហោះឱ្យដឹងថាក្រុមចម្រៀងនារីដ៏មានឥទ្ធិពលរបស់កូរ៉េខាងត្បូង Blackpink បានបំបែកកំណត់ត្រារកចំណូលពីការប្រគំតន្ត្រីនៅ Mexico City ជាស្ថាពរហើយ។
Pop Base បានរៀបរាប់ដោយសង្ខេបថា៖ «BlACKPINK» បានបង្កើតកំណត់ត្រាជាប្រវត្តិសាស្ត្រថ្មី អាចរកប្រាក់ចំណូលពីការប្រគំតន្ត្រីខ្ពស់បំផុត ដោយការលក់សំបុត្រ ចូលទស្សនាខនសឺតរបស់ក្រុមនេះនៅកីឡដ្ឋាន នាទីក្រុង Mexico City ក្នុងមួយយប់ៗ រកចំណូលបានចំនួនជិត១០លានដុល្លារអាមេរិក។
ក្រុមចម្រៀងដ៏មានឥទ្ធិពលរបស់ប្រទេសកូរ៉េនេះ បានបន្តកើបលុបពីប្រទេសមួយទៅប្រទេសមួយតាមរយៈការទទូចចង់ទស្សនាការសម្ដែងផ្ទាល់របស់សមាជិកទាំង៤ ដូចជាកាលពីពេលថ្មីៗនេះ Blackpink ទើបតែត្រលប់មកប្រគំតន្ត្រីតាមសំណូមពរហ្វេន (Blackpink Encore Concert in Bangkok) នាទីក្រុងបាងកក ដោយសារតែនៅតែមានបរិមាណអ្នកចង់ទស្សនាច្រើនលើសលប់៕