តារាចម្រៀងចេញបទចម្រៀងមកលើកណាក៏ផ្ទុះខ្លាំងប្រៀបដូចកាំជ្រួច បានទិញផ្ទះថ្មីមានបន្ទប់គេង៤ បន្ទប់ទឹក៤ នៅ Beverly Hills ដែលធ្លាប់ជាកម្មសិទ្ធិរបស់ Nicole Richie និង Joel Madden ហើយក្រោយមកបានជួសជុលកែកុនឡើងវិញដោយទុកបន្ទប់គេងនៅដដែល តែសង់បន្ថែមបន្ទប់ទឹកពីរបន្ថែមទៀតនៅក្នុងផ្ទះ ដោយបច្ចុប្បន្ន Adele បានរស់នៅជាមួយនឹងកូនប្រុសវ័យ៨ឆ្នាំរបស់ខ្លួនគឺកុមារា Agelo ។
មិនតែប៉ុណ្ណោះផ្ទះដែល Adele គ្រប់គ្រងជាកម្មសិទ្ធិភាគច្រើនស្ថិតនៅទល់មុខនឹងផ្លូវនៃផ្ទះអតីតស្វាមីរបស់ខ្លួន លោក Simon Konecki ព្រោះតែបែបនេះធ្វើឱ្យលោកមានភាពងាយស្រួលក្នុងការទៅមករកកូនប្រុសរបស់អ្នកទាំងពីរ។
អចលនទ្រព្យចុងក្រោយរបស់តារាវ័យ៣៣ឆ្នាំរូបនេះមានអាងហែលទឹក និង តារាងលេងបាល់បោះ ជាពិសេសស្ថិតក្នុងផ្លូវមេ ដែលជាតំបន់រស់នៅរបស់ Jennifer Lawrence, Zoe Saldana, Penelope និង Javier Bardem កាន់តែពិសេសនោះផ្ទះថ្មីរបស់ Adele មានប៉ុស្តិ៍យាមដែលការពារសុវត្ថិភាពចំពោះការធ្វើដំណើរចេញចូលផងដែរ។
តាមដំណឹងលេចឮបានឱ្យដឹងថា Adele ត្រៀមនឹងចេញអាល់ប៊ុមច្រៀមថ្មី បន្ទាប់ពីអាល់អាល់ប៊ុម 25 កាលពីឆ្នាំ ២០១៥ ហើយបទចម្រៀងក្នុងអាល់ប៊ុមដូចជានឹងនិយាយរៀបរាប់ពីការបរាជ័យក្នុងជីវិតអាពាហ៍ពិពាហ៍របស់ខ្លួនផងដែរ។
ប្រភពជិតស្និទ្ធិបានបង្ហើបឱ្យដឹងថា «Adele រវល់ផ្ដោតលើការងាររបស់ខ្លួន ដោយកាលពីឆ្នាំមុនតារាស្រីរូបនេះបានចំណាយពេលរាប់ខែនៅក្នុងបន្ទប់ថតសំឡេងដើម្បីត្រៀមអាល់ប៊ុមថ្មីរបស់ខ្លួន» ប្រភពដដែលបានបន្តទៀតថា «អាល់ប៊ុមថ្មីនេះនឹងបញ្ចេញលក់នៅពេលឆាប់ៗនេះ ហើយ Adele ពិតជារំភើបនិងចង់ចែករំលែកដំណឹងនេះឱ្យមនុស្សទូទាំងពិភពលោកបានឮ។ គ្រប់គ្នានឹងបានស្ដាប់ឮរឿងរ៉ាវស្ដីពីការលែងលះនិងបញ្ហាដែលតារារូបនេះបានឆ្លងកាត់។»
ប្រភព៖ Adele spends $14m on new house on same street as her 2 other homes, Entertainment News – AsiaOne