សិល្បៈជាតិ៖ បន្ទាប់ពីធ្លាយរូបភាពផ្អែមល្ហែមរបស់តារាចម្រៀង វណ្ណដា ពេញបណ្ដាញសង្គមហ្វេសប៊ុកហើយនោះ ថ្ងៃម្សិលមិញនេះ ក៏មានការបែកធ្លាយរូបភាពមួយចំនួនទៀតដែលហ្វេនផ្អើលថា តារាចម្រៀង ថេណា និងស្រីស្អាតម្នាក់មានតម្រុយទំនាក់ទំនងគ្នាបែប Private ។ តើរឿងនេះយ៉ាងណាវិញ?
ហ្វេនបានដាក់ការសង្ស័យលើតារាចម្រៀង ថេណា ថា ទំនងជាមានទំនាក់ទំនងជាមួយនារីម្នាក់ ខណៈដែលក្នុង Story របស់ពួកគេទាំងពីរនៅលើ IG បានបង្ហាញពីតម្រុយដំណើរកម្សាន្តនៅតំបន់ធម្មជាតិព្រៃភ្នំ កង្ហារធំ ខោយ៉ាយថៀង ខឿនឡាំតៈខង (เขายายเที่ยง,เขื่อนลำตะคอง) ខេត្ត Nakhon Ratchasima ប្រទេសថៃ។
ស្រីស្អាតនោះមានឈ្មោះនៅលើហ្វេសប៊ុកថា Sangg Suthylakk និងមានឈ្មោះ IG ៖ dpw.thiilakk ដែលមានចំនួនអ្នក Follow ត្រឹមតែ 4,075 ប៉ុណ្ណោះ។
យ៉ាងណាមិញ គេនៅមិនទាន់ច្បាស់ទេថា ស្រីស្អាតដែលហ្វេនសង្ស័យជាម្ចាស់បេះដូងរបស់លោក ថេណា នោះ គ្រាន់តែជាតួស្រីទៅថតបទចម្រៀងនៅប្រទេសថៃជាមួយគ្នា ឬក៏មានទំនាក់ទំនងស្នេហាពិតប្រាកដ។ ដើម្បីស្រាយចម្ងល់ហ្វេនក្នុងរឿងនេះ យើងមានតែរង់ចាំតាមដានបន្តពីការបកស្រាយចេញពីភាគីម្ខាងៗ គឺលោក ថេណា និងស្រីស្អាត Suthylakk តែប៉ុណ្ណោះ៕