សិល្បៈអន្តរជាតិ៖ Jung Hae In នៅក្នុងពិភពសិល្បៈកូរ៉េត្រូវបានអ្នកនិយមទស្សនាភាពយន្តចាត់ទុកថាជាតារាលេចធ្លោនិងពោរពេញដោយទឹកដៃសម្ដែង ជាពិសេសរឿងភាគចុងក្រោយ Snowdrop ដែលបុរសមុខស្រទន់រូបនេះបានសម្ដែងជាមួយនឹងកញ្ញា Jisoo Blackpink ឈ្នះពានរង្វាន់ជាច្រើនកម្មវិធី។ ស្គាល់ពីមុខដ៏សង្ហា និងសរសើរពីទឹកដៃសម្ដែងរបស់តារារូបនេះហើយ ប៉ុន្តែមានមនុស្សតិចណាស់ដែលបានដឹងពីប្រវត្តិរបស់លោក តាមពិតវង្សត្រកូលរបស់ Jung Hae In មិនមែនជាសាមញ្ញជនធម្មតានោះឡើយ ប៉ុន្តែមានជាប់ពាក់ព័ន្ធនឹងអតីតមហាក្សត្រកូរ៉េ។
ថ្ងៃនេះត្រយងនឹងទម្លាយឱ្យអ្នកគាំទ្របានដឹងពីប្រវត្តិរបស់ Jung Hae In ដែលអ្នកគាំទ្ររបស់លោកមួយភាគធំអាចមិនទាន់បានដឹង៖ តាមពិតទៅ Jung Hae In គឺជាចៅរបស់អ្នកប្រាជ្ញនិងជាបញ្ញវន្តបុគ្គលដ៏ល្បីល្បាញមួយរូបនាសម័យចូស៊ុន តាមការសិក្សាស្រាវជ្រាវកំលោះ Jung Hae In គឺជាចៅប្រុសជំនាន់ទី៦ របស់អ្នកប្រាជ្ញនិងកវីល្បីឈ្មោះ Jung Yak Yong ជាមនុស្សជំនិតឬជាអ្នកដៃស្ដាំរបស់ស្ដេច Jeong Jo ស្ដេចទី២២ នៃរាជវង្សចូស៊ុន។ លោកតារបស់ តារារូបនេះគឺជាអ្នកនិពន្ធដែលសរសេរសៀវភៅពាក់ព័ន្ធនឹង ទស្សនវិជ្ជា វិទ្យាសាស្ត្រ និងទ្រឹស្ដីគ្រប់គ្រងនគរជាដើម។
សូមអាន៖ កុនមនោសញ្ចេតនាស្នេហាចំនួន ៥របស់កូរ៉េដែលអ្នកទស្សនាមិនគួររំលង!
មានដំណឹងលេចឮតៗគ្នាមកថា ឪពុកម្ដាយរបស់ Jung Hae In គឺជាដុកទ័រនិងជាអ្នកគ្រប់គ្រងមន្ទីរពេទ្យធំនៅក្នុងប្រទេសកូរ៉េផងដែរ។ និយាយដល់ចំណុចនេះ នារីណាអាចក្ដោបបានបេះដូងរបស់គេប្រាកដជានារីម្នាក់ដែលមានសំណាងជាទីបំផុត៕
ប្រភព៖ បរទេស, KBIZoom
