អ្នកគាំទ្រតារាចម្រៀងប្រចាំផលិតកម្ម សាន់ដេ លោក ជ័យ សុវ៉ាត ប្រាកដជាបានដឹងហើយថា តារាចម្រៀងរូបនេះទើបតែបញ្ចប់បេសកកម្មក្នុងនាមជាគ្រូពេទ្យស្ម័គ្រចិត្តយុវជនសម្ដេចតេជោ (TYDA) ជួរមុខនៅមណ្ឌលព្យាបាលទួលពង្រប្រកបដោយជោគជ័យកាលពីពេលថ្មីៗនេះ ខណៈនេះតារាចម្រៀងរូបនេះបានចេញមកប្រកាសថាខ្លួនត្រៀមឡើងឆាកវិញហើយ។
នៅព្រឹកថ្ងៃទី២០ ខែកក្កដា ឆ្នាំ២០២១ នេះ បុរសសង្ហា លោក ជ័យ សុវ៉ាត បានចេញមកបង្ហោះសំណេរខ្លីដែលធ្វើឱ្យអ្នកគាំទ្ររបស់លោកពេញចិត្តពេញថ្លើមយ៉ាងខ្លាំងព្រោះតែតារារូបនេះបានប្រកាសឱ្យសាធារណជនបានជ្រាបតាមរយៈបណ្ដាញសង្គមថាខណៈនេះ បេសកកម្មក្នុងនាមជាគ្រូពេទ្យស្ម័គ្រចិត្តយុវជនសម្ដេចតេជោ (TYDA) ជួរមុខរបស់លោកបានបញ្ចប់ប្រកបដោយជោគជ័យហើយ រង់ចាំជួបគ្នាឆាប់ៗនេះនៅលើឆាក។ នេះគឺជាអ្វីដែលលោកបានបង្ហោះ៖ «Mission complete ———ជួបគ្នាលើឆាកឆាប់ៗបងប្អូនជាទីស្រលាញ់»
ក្រោយតារាចម្រៀងសំនៀងផ្អែម «ស្រលាញ់អូនដល់កាន់ឈើច្រត់» បង្ហោះសំណេររបស់ខ្លួននៅលើបណ្ដាញសង្គម ធ្វើឱ្យមានហ្វេនជាច្រើនរបស់លោកបានចូលខមមិនថា រង់ចាំស្ដាប់និងគាំទ្រតារាចម្រៀងរូបនេះនៅលើឆាកជាច្រើនផងដែរ ដោយគិតត្រឹមម៉ោង ១២ថ្ងៃត្រង់នេះ មានចំនួនចុច Like ជាង ២.៧K មានចំនួន Comment ជាង៥០ផងដែរ៕