សិល្បៈអន្តរជាតិ៖ ស្ត្រីជនជាតិ ក្វាតេម៉ាឡា ជាអ្នកម្ដាយកូនពីរបានឈ្នះមកុដ Miss Universe ក្វាតេម៉ាឡា ដែលធ្វើឱ្យនាងបានក្លាយជាអ្នកម្ដាយនិងជាស្ត្រីរៀបការរួចទីមួយឈ្នះតំណែងមួយនេះក្នុងឆ្នាំដំបូងក្រោមការគ្រប់គ្រងរបស់អង្គភាពថ្មី JKN Universe។
យោងតាមប្រភពព័ត៌មានពីប្រទេសក្វាតេម៉ាឡា អ្នកម្ដាយកូនពីរដែលមានអាជីពជាអ្នកម៉ូដែលនិងពិធីការនីឈ្មោះ Michelle Cohn បានយកឈ្នះគូប្រកួត១៥នាក់ផ្សេងទៀត ហើយឈ្នះតំណែងជាបវរកញ្ញា Miss Universe Guatemala (ក្វាតេម៉ាឡា) កាលពីថ្ងៃទី៦ សីហា ឆ្នាំ២០២៣។
ស្ត្រីកូនពីររូបនេះនឹងតំណាងប្រទេសក្វាតេម៉ាឡាក្នុងឆ្នាំ២០២៣ ប្រកួតប្រជែងជាមួយនឹងស្ត្រីមកពីបណ្ដាប្រទេសផ្សេងៗទៀតក្នុងការប្រកួតបវរកញ្ញាចក្រវាឡពិភពលោកលើកទី៧២ នាប្រទេស អែលស្វាដ័រ នាថ្ងៃទី១៨ ខែវិច្ឆិកា ឆ្នាំ២០២៣។ លោកស្រីមានស្រុកកំណើតនៅក្នុងទីក្រុងក្វាតេម៉ាឡា ប្រទេសក្វាតេម៉ាឡា។លោកស្រីបានរៀបការជាមួយនឹងលោក Andres Matheu ព្រមទាំងមានកូនចំនួន២នាក់។ លោកស្រីមានកម្ពស់ ១.៧៩ សង់ទីម៉ែត្រ។ លោកស្រីធ្លាក់បេក្ខភាព Top 6 នៃកម្មវិធី Reinado Mundial del Banano កាលពីឆ្នាំ ២០១៣ ហើយជាប់ជា Miss Grand ក្វាតេម៉ាឡា ២០២៣ Miss ក្វាតេម៉ាឡា ឡាទីន ២០១៣ និង Top5 Miss America Latina ២០១៤៕
ប្រភព៖ World 360 News
