ពានរង្វាន់ Cambodian Premier League រដូវកាលឆ្នាំ២០២៣-២៤ បានបញ្ចប់សប្តាហ៍ទី៤ហើយ ខណ:អ្នកចាំទីដែលបានបង្ហាញខ្លួននៅលើកទីលានមានចំនួន ១៨រូប របស់ក្លិបទាំង១០ ក្នុងចំណោម ២០ប្រកួតកន្លងមក។
នេះគឺជាទិន្នន័យរបស់អ្នកចាំទីទាំង ១៨រូបដែលបានបង្ហាញខ្លួននៅលើទីលាន៖
- ១. វីរ: ដារ៉ា របស់ស្វាយរៀង បង្ហាញខ្លួន ៤ប្រកួត លេងបាន ៣៦០នាទី បានកាតលឿង ១សន្លឹក រក្សា Clean Sheets ចំនួន ២លើក
- ២. សោម សុគន្ធដារ៉ា របស់ Tiffy Army បង្ហាញខ្លួន ៤ប្រកួត លេងបាន ៣៦០នាទី រក្សា Clean Sheets ចំនួន ១លើក
- ៣. សាំង ហាន់ឃុន របស់ព្រៃវែង បង្ហាញខ្លួន ៤ប្រកួត លេងបាន ៣០០នាទី រក្សា Clean Sheets ចំនួន ១លើក
- ៤. ស៊ូ យ៉ាទី របស់ណាហ្គាវើលដ៍ បង្ហាញខ្លួន ៣ប្រកួត លេងបាន ២៧០នាទី
- ៥. កយ សាលឹម របស់បឹងកេត បង្ហាញខ្លួន ៣ប្រកួត លេងបាន ២៧០នាទី
- ៦. ទួត សារ៉ូត គិរីវង់សុខសែនជ័យ បង្ហាញខ្លួន ៣ប្រកួត លេងបាន ២៧០នាទី
- ៧. ឆេង ចាន់ថា របស់ ISI ដង្កោរសែនជ័យ បង្ហាញខ្លួន ៣ប្រកួត លេងបាន ២២៤នាទី
- ៨. កែវ សុខសិលា របស់វិសាខា បង្ហាញខ្លួន ២ប្រកួត លេងបាន ១៨០នាទី រក្សា Clean Sheets ចំនួន ១លើក
- ៩. ហ៊ុល គឺមហ៊ុយ របស់វិសាខា បង្ហាញខ្លួន ២ប្រកួត លេងបាន ១៨០នាទី រក្សា Clean Sheets ចំនួន ១លើក
- ១០. អ៊ុំ វិចិត្រ របស់ភ្នំពេញក្រោន បង្ហាញខ្លួន ២ប្រកួត លេងបាន ១៨០នាទី បានកាតក្រហម ១សន្លឹក រក្សា Clean Sheets ចំនួន ១លើក
- ១១. នុន ណាត របស់អង្គរថាយហ្គឺរ បង្ហាញខ្លួន ២ប្រកួត លេងបាន ១៨០នាទី រក្សា Clean Sheets ចំនួន ១លើក
- ១២. សាវែង សំណាង របស់ភ្នំពេញក្រោន បង្ហាញខ្លួន ២ប្រកួត លេងបាន ១៨០នាទី បានកាតលឿង ១សន្លឹក
- ១៣. យី ប៊ុនហេង របស់អង្គរថាយហ្គឺរ បង្ហាញខ្លួន ២ប្រកួត លេងបាន ១៨០នាទី
- ១៤. គង់ ចាន់វុទ្ធី របស់ ISI ដង្កោរសែនជ័យ បង្ហាញខ្លួន ២ប្រកួត លេងបាន ១៣៦នាទី រក្សា Clean Sheets ចំនួន ១លើក
- ១៥. រ៉េត លីហេង របស់ណាហ្គាវើលដ៍ បង្ហាញខ្លួន ១ប្រកួត លេងបាន ៩០នាទី បានកាតលឿង ១សន្លឹក
- ១៦. ថា ច័ន្ទឬទ្ធី របស់បឹងកេត បង្ហាញខ្លួន ១ប្រកួត លេងបាន ៩០នាទី
- ១៧. ជា វណ្ណសាក់ របស់គិរីវង់សុខសែនជ័យ បង្ហាញខ្លួន ១ប្រកួត លេងបាន ៩០នាទី
- ១៨. គីម ចាន់វាសនា របស់ព្រៃវែង បង្ហាញខ្លួន ១ប្រកួត លេងបាន ៦០នាទី
ព្រះខ័នរាជស្វាយរៀង ឈរកំពូលនៅសប្ដាហ៍ទី១ សប្ដាហ៍ទី២ និងទី៣ វិសាខាគ្រងបាន ២សប្ដាហ៍ជាប់គ្នា នៅសប្ដាហ៍ទី៤ ព្រះខ័នរាជស្វាយរៀង ស្រវាកៅអីកំពូលតារាងវិញ។គ្រាប់បាល់សរុបកើនដល់ ៦៧គ្រាប់ ខណៈក្រុមព្រៃវែង និងវិសាខា ជាក្រុមដែលរកគ្រាប់បាល់បានលើសពី ១០គ្រាប់ ក្នុងសប្តាហ៍ទី៤។
គួរឱ្យដឹងថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕