អ្នកស្រី ស៊ឹម សេរីរ័ត្ន និងស្វាមី ចាប់ផ្តើមលក់ផលិតផលធម្មជាតិ ម្ហូបអាហារមានសុវត្ថិភាពនៅក្នុងផ្សារទំនើបរបស់ខ្លួនក្នុងខេត្តសៀមរាបចាប់តាំងពីឆ្នាំ២០១៧ ដែលមានឈ្មោះថាផ្សារកសិករ(PKS)។
ដោយមានការបញ្ជ ទិញពីទីផ្សារដែលមានតម្លៃខ្ពស់ទាំងនៅក្នុងខេត្តសៀមរាប ទីក្រុងភ្នំពេញ និង បណ្តាខេត្តផ្សេងទៀត ពិសេសនៅក្នុងអំឡុងចាប់ពីឆ្នាំ២០១៨ អ្នកស្រី សេរីរ័ត្ន ដែលជាម្ចាស់ផ្សារកសិករ បានបង្កើតសហគ្រាសថ្មីមួយទៀតមានឈ្មោះថា ហូមថេសហ្វូត ( Home Taste Food)ធ្វើការផ្គត់ផ្គង់ផលិតផលជលផលកែច្នៃត្រីងៀត ដែលមានគុណភាពដើម្បីផ្គត់ផ្គង់ទីផ្សារ។
លោកស្រី ស៊ឹម សេរីរត្ន័ បានប្រាក់អ្នកសារព័ត៌មានត្រយង ថា៖«ក្រៅពីមានផ្សារលក់បន្លែ ផ្លែឈើ និងផលិតផលម្ហូបអាហារ ផ្សារក៏មានដាក់លក់ផលិតផល ត្រីងៀត ប្រហុក ផ្អក ម៉ាំ និងត្រីផ្អាប់ផ្សេងទៀតផងដែរ។ លោកស្រីបន្តថា ផលិតផលទាំងនេះគឺជាផលិតផលក្នុងស្រុក ពិសេសត្រីងៀត ដែលជាផលិតផលដែលបានមកពីសហគ្រាសកែច្នៃត្រីងៀត ហូមថេសហ្វូត ( Home Taste Food) របស់លោកផ្ទាល់»។
លោកស្រីបន្ថែមថា៖ «ផលិតផលសំខាន់របស់ សហគ្រាសកែច្នៃត្រីងៀត Home Taste Food មានចំនួន៣ រួមមានងៀតត្រីឌៀបត្រី ប្រាហើម និងងៀ្រត្រីរ៉ស់។ ដោយមានតម្រូវការកាន់តែច្រើន និងដើម្បីផ្គត់ផ្គង់ទាំងទីផ្សារចាស់ និងថ្មី សហគ្រាសប្តេជ្ញាបង្កើនផលិតកម្ម របស់ខ្លួនពី ៣២៣២គ.ក/ខែ ដល់ ៩០០០គ.ក/ខែ។ ផលិតផលទាំងនោះមានតម្លៃជាមធ្យមពី ៩ ទៅ ១៣,៧៥ដុល្លារ/គ.ក។ ក្រោយទទួលបានវិញ្ញាបនប័ត CQS សហគ្រាសរំពឹងថាផលិតផលរបស់ខ្លួននឹងទទួលបានតម្លៃបន្ថែមខ្ពស់ជាងមុន ២០%»។
លោកបានលើកឡើងថា៖«បច្ចុប្បន្នសហគ្រាសកំពុងស្នើវិញ្ញាបនបត្រនិមិត្តសញ្ញាគុណភាពផល ផលិតផលជលផលកម្ពុជា (CQS) ប៉ន្តែដោយមានផលវិបាកនៃការស្នើសុំមានភាពតឹងតែងខ្លាំងមែនទែនពេលខ្លះចង់បោះបង់ចោល ព្រោះវាចាប់ផ្តើមពីចំណុចសូន្យ អត់មានធនធានគ្រប់គ្រាន់ ដូចនេះសហគ្រាសចាប់ផ្តើមដំបូងវារញ៉េរញ៉ៃតែម្តង ទាំងការទុកដាក់សម្ភារៈអត់សណ្តាប់ធ្នាប់ ខ្ញុំធ្លាប់គិតថាបោះបង់ដែរ តែបានគ្រួសារគាត់លើកទឹកចិត្ត រួមជាមួយបុគ្គលិក គាត់ឲ្យយើងទៅមុខបន្ថែមទៀត បើយើងបានគឺយើងជោគជ័យហើយ»។
សហគ្រាសកែច្នៃត្រីងៀត ហូមថេសហ្វូត ទទួលបានការគាំទ្រផ្នែកសម្ភារៈ និងបច្ចេកទេសពីកម្មវិធីគាំទ្រសហគ្រាសជលផលខ្នាតតូច និងមធ្យម ដើម្បីធ្វើឲ្យប្រសើរឡើងនៅប្រត្តិបត្តិការអាជីវកម្ម និងលារប្រកួតប្រជែងតាមរយៈទំនើបកម្មការកែច្នៃផលិផលជលផល និងការកែលំអរទីតាំងកែច្នៃ ពីគម្រោងអភិវឌ្ឍន៍ជលផលក្រោយប្រមូលផល (CAPFishCapture) ក្រោមហិរញ្ញប្បទានរបស់សហភាពអឺរ៉ុប។
បញ្ជាក់ដែរថា សហគ្រាសកែច្នៃត្រីងៀត Home Taste Food បានប្រកាសជាផ្លូវការអំពីការទទួលបានវិញ្ញាបនបត្រនិមិត្តសញ្ញាគុណភាពផល ផលិតផលជលផលកម្ពុជា (CQS) ជូនដល់សហគ្រាសកែច្នៃផល ផលិតផលជលផលរបស់ខ្លួន កាលពីថ្ងៃទី០៣ខែសីហា ឆ្នាំ២០២៣ ដោយមានការគាំទ្រពីសហភាពអឺរ៉ុប (EU) អង្គការ UNIDO និងរដ្ឋបាលជលផល។
ប្រព័ន្ធវិញ្ញាបនបត្រ CQS គឺជាការជួយបំពេញបន្ថែមកិច្ចខិតខំប្រឹងប្រែងរបស់រាជរដ្ឋាភិបាល ក្នុងការលើក កម្ពស់សុវត្ថិភាពម្ហូបអាហារសម្រាប់មនុស្សគ្រប់រូប និងពង្រីកទីផ្សារនាំចេញ។ ប្រព័ន្ធវិញ្ញាបនបត្រCQS ជាកាបោះជំហានទៅមុខដ៏សំខាន់មួយរបស់កម្ពុជាក្នុងកាប្រែក្លាយខ្លួនទៅជាជើងក្នុងកាអនុលោមតាមលក្ខខណ្ឌតម្រូវនៃសុវត្ថិភាពម្ហូបអាហារ និងកាងារនេសាទប្រកបដោយនិរន្តភាពដែលផ្តល់អត្ថប្រយោជន៍បន្តដល់អ្នកប្រើប្រាស់ក្នុងស្រុក និងពាណិជ្ជកម្មជាលក្ខណៈអន្តរជាតិផងដែរ។
សហគ្រាស Home Taste Food អាចផ្គត់ផ្គង់ផលិតផលរបស់ខ្លួនបានជាមធ្យមចំនួន ៣២៣២គ.កក្នុង១ខែ ខណ:ដៃគូអាជីវកម្មសំខាន់ៗរបស់ខ្លួនមាន អ្នកនេសាទ ឈ្មួញ អ្នកបោះដុំ និងអ្នកលក់រាយ បច្ចុប្បន្ន សហគ្រាស មានចំនួនបុគ្គលិក ចំនួន ២១នាក់ (ស្រី ១៥នាក់)។ ការចុះបញ្ជីអាជីវកម្ម មន្ទីរឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ (PDISTI)។ អាស័យដ្ឋាន ភូមិសាលាកន្សែង សង្កាត់ស្វាយដង្គុំ ក្រុងសៀមរាប ខេត្តសៀមរាប លេខទូរសព្ទទាក់ទង អ្នកស្រី ស៊ឹម សេរីរ័ត្ន ០៧៧ ៥៥១ ២២១៕