ក្លិបបាល់ទាត់ភ្នំពេញក្រោន បានយកឈ្នះក្រុម Dynamic Herb Cebu របស់ហ្វីលីពីន ក្នុងលទ្ធផល ៣-០ កាលពីរាត្រីថ្ងៃទី២១ ខែកញ្ញា នៅកីឡដ្ឋាន Rizal Memorial នៅប្រទេសហ្វីលីពីន វគ្គជម្រុះពូល F នៃពានរង្វាន់ AFC Cup 2023/24។
ក្រោយចប់ការប្រកួតលោក Oleg Starynskyi គ្រូបង្វឹកភ្នំពេញក្រោន និយាយអំពីជ័យជម្នះលើក្រុម Dynamic Herb Cebu ក្នុងការប្រកួតដំបូងនៃពានរង្វាន់ AFC Cup ៖«វាមិនមែនងាយស្រួលក្នុងការលេងនៅក្រៅប្រទេសកម្ពុជា ប៉ុន្តែខ្ញុំសប្បាយចិត្តដែលបានបំលែងឱកាសដែលយើងមាន ហើយយើងធ្វើវាបាន»។
លោកបន្តទៀតថា៖«យើងដឹងពីភាពតានតឹងនៃការប្រកួត ហើយសម្រាប់យើងវាជារឿងសំខាន់ក្នុងការព្យាយាមស្វែងរកគ្រាប់បាល់ និងព្យាយាមប្រយុទ្ធនៅតំបន់ទំនេរដែលយើងមាន»។
ក្នុងពានរង្វាន់ AFC Cup 2023/24 ក្លិបបាល់ទាត់ភ្នំពេញក្រោន របស់កម្ពុជា ស្ថិតពូលជា F ជាមួយក្រុម Macarthur FC របស់ អូស្ត្រាលី Dynamic Herb Cebu របស់ហ្វីលីពីន និង Shan United របស់មីយ៉ាន់ម៉ា វគ្គចែកពូល AFC Cup 2023/24 តំបន់អាស៊ាន៕
ស្ថិតិរបស់ភ្នំពេញក្រោន ទល់នឹង Dynamic Herb Cebu របស់ហ្វីលីពីន៖