បើត្រលប់ថយក្រោយទៅកាលពី៦ទៅ៧ឆ្នាំមុន តារាសម្ដែងនិងពិធីករ-ពិធីការិនីល្បីលោក ជា វណ្ណរិទ្ធិ និង កញ្ញា ហ៊ិន ចាន់នីរ័ត្នគឺជាដៃគូដ៏ស័ក្តិសមហើយស៊ីសង្វាក់គ្នារហូតមានអ្នកគាំទ្រមិនតិចនោះទេដែលយល់ច្រឡំថាបុរសសង្ហានិងស្រីស្អាតគឺជាគូស្នេហ៍។
សូមចុចអាន នេះបានគេហៅថាស្អាតល្អជាងផ្កា ហ៊ិន ចាន់នីរ័ត្ន អួតសម្រស់ដ៏សោភាជាមួយនឹងផ្កាចំប៉ី!
រំលឹកឡើងវិញពាក់ព័ន្ធនឹងរឿងស្នេហានេះ ពិធីករ ជា វណ្ណារិទ្ធិ បានធ្វើការចែករំលែកផេកហ្វេកប៊ុកមួយឈ្មោះ ដើមឈើ ដែលជាអ្នកគាំទ្របុរសសង្ហានិងស្រីស្អាត ហើយបានយល់ច្រឡំថាអ្នកទាំងពីរគឺជាសង្សារគ្នា ដោយហ្វេសប៊ុកខាងលើបានសរសេររៀបរាប់កាលពីថ្ងៃទី២៧ ខែកក្កដា កន្លងមក យ៉ាងដូច្នេះថា៖
«ពិធីករ ពិធីការនីនៅប្រទេសយើង សម្រាប់ Adminផ្ទាល់ គឺចូលចិត្តគាត់ទាំង២ បងនីរ័ត្ននិងបងរឹទ្ធិ ចាំបានកាលសម័យមើលកម្មវិធី Cha Cha Cha 2013 2014ប៉ុស្តិ៍បាយ័ន។ កាលហ្នឹង ឲ្យតែដល់ថ្ងៃមើល គ្មានបានដេកថ្ងៃទេ មើលពីដើមដល់ចប់កម្មវិធីរហូតដល់វគ្គចូលប្រអប់កញ្ចក់ចាប់ក្រដាសប្តូរយកលុយ។ ពួកគាត់ទាំង២ សម្តីសម្តៅ ការលេងសើចអីគឺសមរម្យ ថ្លៃថ្នូរ ពិរោះ Admin កាលជំនាន់ហ្នឹងមិនទាន់ចេះលេង Facebook អីស្រួលបួលទេ ស្មានតែ២នាក់គាត់សង្សារគ្នា ចេះតែខំ ship រហូត មិនដឹងថាបងរឹទ្ធិគាត់មានប្រពន្ធ»។
បន្ទាប់ពីបានឃើញអ្នកគាំទ្ររបស់ខ្លួនជាមួយនឹងដៃគូអ្នកនាង ហ៊ិន ចាន់នីរ័ត្ន លោកប៉ាកូនពីររូបនេះបានធ្វើការបង្ហោះ Share បន្ត បែបលេងសើចថា៖ «ពីមុន Ship ខ្ញុំជាមួយនីរត្ន័ ចុះឥលូវ Ship នីរត្ន័ជាមួយអ្នកណាបេី ប៉ាៗកូន២ហេីយហ្នឹង»
នៅខាងក្រោមផុសរបស់លោក អ្នកគាំទ្របានចូលមកឆ្លើយតបចំពោះការលើកឡើងរបស់លោក ដោយមានអ្នកខ្លះនិយាយថាខ្លួនក៏ធ្លាប់ជួយចូកចែវចង់ឃើញលោក និង នីរ័ត្នបានដល់ត្រើយ ប៉ុន្តែក៏មានមតិផ្សេងទៀតបានលើកឡើងថា ជួយចូកជួយចែវ និង ចង់ឃើញអ្នកនាង ហ៊ិន ចាន់នីរ័ត្ន បានជាសង្សារជាមួយនឹង លោក សេង មង្គល។
ចុះប្រិយមិត្តអ្នកអាន ត្រយងញូវស៍វិញ ធ្លាប់ចង់ឱ្យលោក ជា វណ្ណារិទ្ធិ និងកញ្ញា ហ៊ិន ចាន់នីរ័ត្នក្លាយជាសង្សារនឹងគ្នាដែរទេ?
