ក្រុមកីឡាវាយសីកម្ពុជា ដណ្ដើមបានមេដាយប្រាក់ ១គ្រឿងទៀត លើវិញ្ញាសាក្រុមចម្រុះ អាយុ ក្រោម ១៧ឆ្នាំ នៃព្រឹត្តិការណ៍ប្រកួតកីឡាវាយសីជើងឯកយុវជនអាស៊ីអាគ្នេយ៍ (BA Sea Regional Junior Championship) ឆ្នាំ២០២៣។
ជ័យជម្នះនេះ ទទួលបានបន្ទាប់ពីប្រកួតផ្ដាច់ព្រ័ត្រចាញ់ក្រុមមីយ៉ាន់ម៉ា ទាំងប្រផិតប្រផើយ ក្នុងលទ្ធផល ៣-២ នៅព្រឹកថ្ងៃទី០១ ខែវិច្ឆិកានេះ នៅពហុកីឡដ្ឋានជាតិមរតកតេជោ។ បច្ចុប្បន្នម្ចាស់ផ្ទះកម្ពុជា ដណ្ដើមបានមេដាយសរុប ២គ្រឿង គឺមេដាយប្រាក់ទាំងពីរ មុនបន្ដការប្រកួតឯកត្តជន និងវាយគូ រហូតដល់ថ្ងៃទី០៣ ខែវិច្ឆិកាទើបបញ្ចប់ ។
ព្រឹត្តិការណ៍ប្រកួតកីឡាវាយសីជើងឯកយុវជនអាស៊ីអាគ្នេយ៍ (BA Sea Regional Junior Championship) ឆ្នាំ២០២៣ ដោយមានកីឡាករ-កីឡាការិនីចូលរួមប្រមាណ ៧០នាក់ មកពី ៥ប្រទេស គឺមានម្ចាស់ផ្ទះកម្ពុជា ប្រ៊ុយណេ ឡាវ មីយ៉ាន់ម៉ា និងទីម័រខាងកើត ការប្រកួតគ្រោងនឹងធ្វើឡើង ៥ថ្ងៃ ចាប់ពីថ្ងៃទី៣០ តុលា ដល់ ថ្ងៃទី៣ វិច្ឆិកា នៅពហុកីឡដ្ឋានជាតិមរតកតេជោ៕
