ស្ត្រីម្នាក់ដែលឆក់បេះដូងជនជាតិអាមេរិកដោយសំឡេងដ៏ពីរោះជាមួយនឹងអត្ថន័យបទចម្រៀង Original «It’s Okay» របស់អ្នកនាងនៅក្នុងកម្មវិធីប្រកួត AGT (American’s Got Talent) បានប្រកាសដំណឹងអាក្រក់ដែលធ្វើឱ្យមហាជនមានការភ្ញាក់ផ្អើលកាលពីថ្ងៃព្រឹកថ្ងៃច័ន្ទម្សិលមិញ។
អ្នកនាង Jane Marczewski ឬឈ្មោះនៅលើឆាក Nightbirde បានប្រកាសពីដំណឹងអាក្រក់នៅលើ Instagram របស់ខ្លួនកាលពីថ្ងៃច័ន្ទទី ២ ខែកក្កដា ឆ្នាំ២០២១ម្សិលមិញស្ដីពីការចាកចេញរបស់ខ្លួនពីកម្មវិធី America’s Got Talent ។
«ចាប់តាំងពីថ្ងៃ Audition សុខភាពរបស់ខ្ញុំបានមានសភាពកាន់តែអាក្រក់ ហើយខ្ញុំក៏កំពុងតែប្រយុទ្ធជាមួយនឹងជំងឺមហារីកដោយប្រើប្រាស់អស់កម្លាំងចិត្តនិងថាមពលរបស់ខ្ញុំ»។ អ្នកនាងបានបន្តទៀតថា «ខ្ញុំពិតជាកើតទុក្ខយ៉ាងខ្លាំងដែលខ្ញុំមិនអាចបន្តដំណើរទៅមុខជាមួយនឹងកម្មវិធី AGT។ ជីវិតមិនបានផ្ដល់ពេលវេលាសំរាកណាមួយឱ្យមនុស្សដែលគួរតែទទួលនោះទេ ប៉ុន្តែយើងគ្រប់គ្នាសុទ្ធតែដឹងរឿងនេះច្បាស់ណាស់។»
អ្នកនាង Nightbirde ទទួលបានកណ្ដឹងមាសពីលោក Simon Cowell កាលពីប៉ុន្មានសប្ដាហ៍មុនក្រោយពីអ្នកជំងឺមហារីករូបនេះបានលើកយកបទចម្រៀង «It’s Okay» ជាបទចម្រៀង Original និពន្ធដោយខ្លួនឯង ដែលបរិយាយពីសាច់រឿងពិតកើតឡើងក្នុងជីវិតកញ្ញាបានជួបប្រទះកាលពីឆ្នាំមុនខណៈដែលប្អូនប្រឈមនឹងជំងឺមហារីក។ ប៉ុន្តែ Jane មិនបានផ្ដេកផ្ដួលនឹងជំងឹឡើយ អ្នកនាងឡើយព្រោះអ្នកនាងមិនបានទុកឱ្យជំងឺនេះរារាំងក្ដីសុបិនឡើយ ហើយបានទៅចូលរួមប្រកួតកម្មវិធី America’s Got Talent ព្រមទាំងទទួលបានប៊ូតុងមាសថែមទៀតផង។
គួរដឹងដែរថាបទចម្រៀង «It’s Okay» បទចម្រៀង Original ដោយអ្នកនាង Nightbirde មកទល់នឹងពេលនេះមានចំនួន Views លើ Youtube ៣០លានដងហើយ គិតចាប់តាំងពីថ្ងៃទី៨ ខែមិថុនា ឆ្នាំ២០២១ រហូតមកដល់ថ្ងៃទី៣ ខែសីហា ឆ្នាំ២០២១ នេះ៕