ផ្ដើមទំនាក់ទំនងស្នេហាជាមួយគ្នាក្រោយបានរួមសម្ដែងជាមួយគ្នានៅក្នុងរឿង «Crash Landing On You» ព្រមទាំងប្រកាសទទួលស្គាល់ស្នេហានេះជាសាធារណៈធ្វើឱ្យអ្នកគាំទ្ររីករាយនិងអបអរសាទរមួយរយៈកន្លងមកហើយ ប៉ុន្តែរូបភាពផ្អែមល្ហែមរបស់អ្នកទាំងពីរកម្រនឹងបង្ហាញឱ្យអ្នកគាំទ្របានឃើញណាស់ ទោះជាទាក់ទងគ្នាជាងមួយឆ្នាំកន្លះក្ដី។
ថ្វីត្បិតតែគូស្នេហ៍ទាំងពីរជាអ្នកនិយមលេងកូនគោល ហើយតែងតែលេងកូនគោលជាមួយគ្នាញឹកញាប់ប៉ុន្តែរូបភាពណាត់គ្នានៅកន្លែងលេងកូនគោលមិនដែលត្រូវបានទម្លាយចេញមកខាងក្រៅនោះទេ។
នៅក្នុងកម្មវិធីមួយថ្មីៗនេះ Son Ye Jin បានបង្ហើបថាអ្នកនាងធ្លាប់លេងកូនគោល ប៉ុន្តែឈប់លេងមួយរយៈធំរហូតដល់ថ្មីៗនេះចាប់ផ្ដើមបង្វឹកជំនាញលេងកូនគោលនេះឡើងវិញ ព្រោះ Hyun Bin ក៏ចូលចិត្តលេងកុនគោលដូចគ្នាដែរ ដូច្នេះអាចនិយាយបានថា Son Ye Jin រកឃើញដៃគូដ៏ស័ក្ដិសមបំផុតសម្រាប់ការហ្វឹកហាត់ជាមួយគ្នា។
រូបភាពរបស់អ្នកទាំងពីរកម្រនឹងបង្ហាញជាសាធារណៈណាស់ តែនៅថ្មីៗនេះតារាល្បី Grade A ពីរដួងបានបង្ហាញវត្តមានរួមគ្នាទៅ Shopping ដើម្បីទិញឧបករណ៍លេងកូនគោល ទោះជារូបភាពរបស់អ្នកទាំងពីរថតពីខាងក្រោយនៅរយៈចម្ងាយឆ្ងាយក្ដី តែរូបរាងនិងភាពទាក់ទាញរបស់អ្នកទាំងពីរមិនអាចបិទបាំងបាននោះទេ។ សង្កេតការតុបតែងខ្លួនអ្នកទាំងពីរហាក់ស្លៀកឈុតឈុតគូព្រោះមានអាវពណ៌ស និងមួយសដូចគ្នា។ រូបភាពនេះត្រូវបានអ្នកគាំទ្រសរសើរចំពោះរូបរាងស្អាតនិងភាពផ្អែមល្ហែមរបស់គូស្នេហ៍តារាល្បីនេះ។
Hyun Bin ទើបតែថតបញ្ចប់ភាពយន្តចំនួនពីររឿងគឺ «The Point Men» និង «Confidential Assignment2» រង់ចាំតែថ្ងៃបញ្ចាំង ខណៈដែល Son Ye Jin កំពុងត្រៀមថតភាពយន្តភាគ 39 នៅក្នុងខែសីហានេះ។ ដូច្នេះចំពោះពាក្យចចាមអារ៉ាមដែលអ្នកទាំងពីរនឹងរៀបការនៅឆ្នាំ២០២២ ហាក់ពុំពិតនោះទេ ព្រោះតែតារាងការងារដ៏មមាញឹកដូចគ្នា៕
