ទោះជាបច្ចុប្បន្នជំងឺកូវីដ-១៩ នៅតែបន្តឆ្លងរីករាយដាលនៅក្នុងពិភពលោកដែលធ្វើឱ្យស្ទើគ្រប់វិស័យបានជាប់គាំង ឬមិនអាចពង្រីកខ្លួនទៅមុខបានយ៉ាងរលូន។ ក្នុងនោះវិស័យសិល្បៈពិសេស ភាពយន្តខ្នាតធំបាននៅទ្រឹងតែម្ដងព្រោះតែរោងភាពយន្តនានាត្រូវបានបិទដំណើរការដើម្បីចូលរួមទប់ស្កាត់ ការចម្លងនិងរីករាលដាលនៃជំងឺនេះ។ ដូច្នេះដើម្បីរំលឹកដល់ភាពយន្តខ្មែរ ដែលធ្លាប់ល្បីល្បាញកាលពីគ្រាកន្លងៗមក ត្រយងសូមលើកយកភាពយន្តប្រាំបួនរឿងដែលដឹកនាំដោយបុរសសាច់ដុំ ចាន់ណា រូណាន ក្នុងនោះរួមមាន៖
១-រឿង ខ្លាចអី?សើចតើ! ផលិតនៅឆ្នាំ2012
២-រឿង បេសកកម្មស៉ីម2 ផលិតនៅឆ្នាំ 2013
៣-រឿង 7ថ្ងៃ ផលិតនៅឆ្នាំ 2014
៤-រឿង ក្រមុំ31 កំលោះ52 ផលិតនៅឆ្នាំ 2015
៥-រឿង កំណត់ហេតុនាងនាថ ផលិតនៅឆ្នាំ 2016
៦-រឿង សសរកន្លោង ផលិតនៅឆ្នាំ 2017
៧-រឿង ឯណាខ្មោច? ផលិតនៅឆ្នាំ 2018
៨-រឿង កុំងាកក្រោយ ផលិតនៅឆ្នាំ 2019
៩-រឿង សំណើច652km ផលិតនៅឆ្នាំ 2021 (ជួបគ្នាពេលចប់កូវីត)
យោងតាមរយៈការឆ្លើយឆ្លងសារអេឡិចត្រូនិកជាមួយនឹង លោក ចាន់ណា រ៉ូណាន់ ក៏បានបង្ហើបឱ្យដឹងដែរថា រឿងភាគច្រើនដែលលោកផលិត មានរឿងខ្លះជារឿងកំប្លែង រឿងខ្លះជារឿងកំប្លែងលាយខ្មោច ដោយសារតែចំំណង់ចំណូលចិត្តចូលចិត្តផលិតរឿងបែបនេះ ម្យ៉ាងដើម្បីតម្រូវតាមទីផ្សារផង និងកុំឱ្យខុសពីការណែនាំរបស់ក្រសួងដែលហាមមិនឱ្យ អ្នកខ្សោយបេះដូង មនុស្សមានអាយុ ១៨ឆ្នាំ ឬ ១៦ឆ្នាំចូលទស្សនា។
លោក រ៉ូណាន់ ចាន់ណា បានឱ្យដឹងដែរថារឿងទី៩ «សំណើច៦៥២km» បានថតចប់សព្វគ្រប់ហើយ នៅសល់ការកែតម្រូវតិចតួចប៉ុណ្ណោះ ប៉ុន្តែមិនទាន់អាចបញ្ចាំងបានព្រោះតែបញ្ហាកូវីដ-១៩ ដែលធ្វើឱ្យរឿងដែលចំណាយខ្ទង់ផលិតរហូតដល់ទៅ ១២ម៉ឺនដុល្លារមួយនេះ ត្រូវនៅជាប់គាំង នៅមិនអាចដាក់បញ្ចាំងបានដូចការគ្រោងទុក។