យោងតាមការផ្សាយរបស់ទូរទស្សន៍ Mnet ក្នុងកម្មវិធី «TMI News» បានបង្ហើបឱ្យដឹងពីតម្លៃផ្សាយពាណិជ្ជកម្មរបស់តារាស្រី Grade A អ្នកនាង Song Hye Kyo មានតម្លៃប្រហែលជា ៩០០លានវ៉ុន ប្រមាណជា ៧៨៨,១៨៧ដុល្លារ។
ឆ្នាំនេះតម្លៃថតផ្សាយពាណិជ្ជកម្មរបស់ Song Hye Kyo ចំនួន៤ មានតម្លៃប្រហាក់ប្រហែល៣.៦ពាន់លាន់វ៉ុន (ប្រមាណ៣,១៥២,៥៨៥ដុល្លារ)។
Song Hye Kyo នៅក្នុងវិស័យពាណិជ្ជកម្មនៅតែមានភាពល្បីល្បាញនិងប្រជាប្រិយភាពព្រោះក្រែម BB ដែលមាន Song Hye Kyo ថតផ្សាយពាណិជ្ជកម្ម លក់ដាច់រហូតខ្លាំងមានការកុម្មង់រហូតដល់ទៅ១លាន ខណៈដែលក្រែមលាបមាត់ដែល ហាន់ ជីអ៊ុន ប្រើប្រាស់លក់ដាច់បានជាង១៦០,០០០ដើម ត្រឹមតែរយៈពេល១ខែ។
យោងតាម TMI NEWS ដដែល បានធ្វើការវិភាគឃើញថាមួយផុសផ្សាយពាណិជ្ជកម្មរបស់ ហាន់ ជីអ៊ុន នៅលើគណនី Instagram របស់អ្នកនាងមានតម្លៃប្រមាណ ៤៧៧,៩០០ ដុល្លារ។
សូមបញ្ជាក់ថា Song Hye Kyo ហៅ ហាន់ ជីអ៊ុន គឺជាតារាសំណព្វចិត្តរបស់អ្នកទស្សនា ចាប់តាំងពីរឿង «Full House» ឬ «បំណុលផ្ទះជំពាក់ស្នេហ៍» សម្ដែងជាតារាចម្រៀងរូបសង្ហា លោក Rain ដោយក្រោយៗមកទៀតរឿងភាគដែលតារាស្រីរូបនេះសម្ដែងរមែងចាក់ចំបេះដូងអ្នកទស្សនា ដូចជារឿងស្នេហ៍កម្សត់ស្រក់ទឹកភ្នែក«និទាឃរដូវក្នុងបេះដូង» សម្ដែងជាមួយនឹង Song Seung Hoon និង ចុងក្រោយរឿងដែលល្បីល្បាញខ្លាំងកាលពីឆ្នាំ២០១៦ រឿង «Descendants of the Sun» ឬ «ម្ចាស់ព្រះអាទិត្យ» ចាប់គូជាមួយនឹង Song Joong Ki៕
