ក្លិបបាល់ទាត់វិសាខា នឹងត្រូវបើកទ្វាកីឡដ្ឋានព្រីនស៍ ដើម្បីទទួលក្រុមបឹងកេត ក្នុងជំនួបជុំទី២ សប្ដាហ៍ទី១៣ នៃពានរង្វាន់លីគកំពូលកម្ពុជា Cambodian Premier League 2023-24 នៅថ្ងៃអាទិត្យ ទី១០ ខែធ្នូ ឆ្នាំ២០២៣ វេលាម៉ោង ៦:០០នាទីល្ងាច។
មុនជំនួបមកដល់លោក មាស ចាន់ណា បានបង្ហាញចំណាប់អារម្មណ៍បន្ទាប់ពីត្រូវបានតែងតាំងជាគ្រូបង្គោលថ្មីរបស់ក្លិបបាល់ទាត់វិសាខាថា៖ «ខ្ញុំសប្បាយចិត្ត ដែលថ្នាក់ដឹកនាំផ្ដល់សេចក្ដីទុកចិត្តកាន់តំណែងជាគ្រូបង្វឹកនេះ បើទោះជាយើងមានឱកាសរៀបចំរយ:ពេលខ្លីមែន ប៉ុន្តែយើងសង្ឃឹមថាភាពយល់ដឹងរបស់កីឡាករ នឹងប្រសើរជាងមុន ច្បាស់លាស់»។
លោកបន្តថា៖ «យើងមានពេល ៤ថ្ងៃទាក់ទង់ទៅហ្នឹងស្ទាយលេង រួមជាមួយការការពារ ក៏ដូចជាប្រយុទ្ធ អឺចឹងយើងសង្ឃឹមថាឆ្លងកាត់ការហ្វឹកហាត់ថ្ងៃ និងសល់ ២ពេលទៀតសម្រាប់ហ្វឹកហាត់ ថ្ងៃប្រសើរជាងម្សិលមិញ។ សម្រាប់ការរៀបចំរយ:ពេលមួយអាទិត្យ និងបានប្រសើរច្រើននៅពេលប្រកួតក្នុងទឹកដីខ្លួន ទល់ជាមួយបឹងកេត»។
លោកបានបន្ថែមថា៖ ចំពោះខ្ញុំយល់ថាធនធានកីឡាករនៅឆ្នាំនេះល្អច្រើន។ អ្វីដែលខ្ញុំរំពឹងនោះគឺយើងមានកីឡាករដែលលឿងៗ និងមានគុណភាពម្នាក់ៗល្អច្រើន មួយវិញទៀតពួកគាត់មានអតចរិកការរស់នៅ ការលេងគឺមានវិន័យល្អ ដូចនេះពួលគាត់នឹងជួយក្រុមឲ្យមានលទ្ធផលល្អជាងមុន។
លោកបានបន្ថែមថា៖«អ្វីដែលជាការត្រៀមគឺយើងបានត្រៀមច្រើនដើម្បីប្រកួតតែម្ដងដោយសារពួកគាត់សុទញធសឹងតែជាកិឡាករជម្រើសជាតិ និងកីឡាករអាជីព ដូចនេះពួកគាត់ឆាប់យប់ច្រើន ការហ្វឹកហាត់នៅថ្ងៃល្អប្រសើរជាងម្សិលមិញ ហើយនៅថ្ងៃស្ងែកនិងកាន់តែប្រើសើរ ដូច្នេះយើងមានភាពជឿជាក់ច្រើនសម្រាប់ការប្រកួតនៅក្នុងដីខ្លួនឯង»។
លោក មាស ចាន់ណា ថា៖ «ក្ដីរំពឹករបស់ខ្ញុំនៅការប្រកួតជាមួយបឹងកេត គឺជាការប្រកួតដ៏ជក់ចិត្ត ហើយអ្នកគាំទ្រដែលមកទស្សនាផ្ទាល់និងតាមផ្ទះនិងមានភាពសម្បាយរីករាយជាមួយការប្រកួតមួយនេះ។ ដូចនេះសម្រាប់ហ្វេនរបស់ក្រុមទាំង២ ក៏ដូចជាវិសាខា សូមមកគាំទ្រទាំងគ្នាអ្នកទាំងអស់គ្នានេះហើយគឺជាកីឡាករទាំ១១ ដែលមកជួយក្រុមឲ្យមានឆន្ទ:លេង និងការប្រមូលអារម្មណ៍កាន់តែខ្លាំង»។
រំលឹកថា ក្លិបបាល់ទាត់វិសាខា បានប្រកាសតែងតាំងលោក មាស ចាន់ណា ជាគ្រូបង្គោលថ្មី ដើម្បីជំនួសកៅអីរបស់លោក Simon McMenemy នារសៀលកាលពីថ្ងៃពុធ ទី៦ ខែធ្នូ ឆ្នាំ២០២៣ ដើម្បីត្រៀមសម្រាប់ពានរង្វាន់នាៗដូចជាលីគកំពូលកម្ពុជាដែលកំពុងមានការប្រកួត និង ពានរង្វាន់ Hun Sen Cup នាពេលខាងមុខ៕