ភ្នំពេញក្រោន បានយកឈ្នះវិសាខា ក្នុងលទ្ធផល ៣-១ នៃពានរង្វាន់លីគកំពូលកម្ពុជា (Cambodian Premier League) រដូវកាលឆ្នាំ២០២៣-២៤ សម្រាប់ការប្រកួតសប្តាហ៍ទី១៤ នៅថ្ងៃទី១៨ ខែធ្នូនេះ ក្នុងកីឡដ្ឋាន ស្មាត អអេសអិន គឺជាក្រុមតែមួយដែលអាចយកឈ្នះគូប្រកួតនៅលើទឹកដីខ្លួនឯង។
ដោយឡែកសម្រាប់ក្រុម ៤ផ្សេងទៀត បានបរាជ័យក្នុងទឹកដីរបស់ខ្លួន មានលទ្ធផលប្រកួតថ្ងៃទី១៧ ធ្នូ សប្តាហ៍ទី១៤៖
-សុខសែនជ័យ ០-៦ បឹងកេត នៅកីឡដ្ឋានគិរីវង់ ខេត្តតាកែវ
-ណាហ្គាវើលដ៍ ២-៣ អាយ អេស អាយ ដង្កោសែនជ័យ នៅកីឡដ្ឋានខេត្តកំពង់ស្ពឺ
លទ្ធផលប្រកួតថ្ងៃទី១៦ ធ្នូ សប្ដាហ៍ទី១៤៖
-អង្គរថាយហ្គឺរ ១-៧ ព្រះខ័នរាជស្វាយរៀង នៅកីឡដ្ឋានហនុមាន ខេត្តសៀមរាប
-កងយោធពលខេមរភូមិន្ទ ២-៤ ព្រៃវែង នៅកីឡដ្ឋានស្តាតចាស់៕