កីឡាករ Youssef Ezzejjari Lhasnaoui សញ្ជាតិអេស្ប៉ាញ ដែលជាខ្សែប្រយុទ្ធចំណូលថ្មីរបស់ក្លិបបាល់ទាត់វិសាខា បានស៊ុតបញ្ចូលទីគ្រាប់ទី១ របស់ខ្លួនក្នុងការបង្ហាញលើកដំបូងឱ្យវិសាខា ក្នុងជំនួបទល់និងភ្នំពេញក្រោន នៃពានរង្វាន់លីគកំពូលកម្ពុជា Cambodian Premier Leaguer 2023/24 សម្រាប់ សប្ដាហ៍ទី១៤ នារាត្រីថ្ងៃទី១៨ ធ្នូ នៅក្នុងកីឡដ្ឋាន ស្មាត អអេសអិន។
គ្រាប់បាល់ទី១ របស់ Youssef Ezzejjari Lhasnaoui រកបាននៅនាទីទី៦៨ ខណ: ៣គ្រាប់របស់ភ្នំពេញក្រោន រកបានដោយកីឡាករ Shimizu Shintaro នៅនាទីទី ២៨និង៣៦ និង ១គ្រាប់ទៀតរកបានដោយកីឡាករ Andres Nieto នៅនាទីទី៥៣។ ចប់ការប្រកួតភ្នំពេញក្រោន បានយកឈ្នះវិសាខា ក្នុងលទ្ធផល ៣-១។
គួរបញ្ជាក់ថា វិសាខា បានប្រកាសចុះកិច្ចសន្យាជាមួយកីឡាករ Youssef Ezzejjari Lhasnaoui សញ្ជាតិអេស្ប៉ាញ កាលពីថ្ងៃទី១២ ខែធ្នូ ឆ្នាំ២០២៣ ដើម្បីចូលរួមប្រកួតប្រជែងក្នុងក្របខណ្ឌពានរង្វាន់ Cambodian Premier Leaguer 2023/24។ Youssef Ezzejjari មានវ័យ ៣០ឆ្នាំ រូបគេបានចាប់ផ្ដើមអាជីពក្នុងវិស័យបាល់ទាត់ដំបូងនៅឆ្នាំ២០១១ និងចូលរួមជាមួយក្រុម Granollers នៅឆ្នាំ២០១២ និងចុងក្រោមជាមួយក្លិង Negeri Sembilan មុនចូលរួមជាមួយវិសាខា៕
