មន្ត្រីជាសិក្ខាកាម សរុបចំនួន ៦៥នាក់ ស្រី ៦នាក់ មកពីបណ្ដាសមាគមក្លិបកីឡាបាល់ទះ និងមន្ទីរអប់រំ យុវជន និងកីឡា ២៥ រាជធានី-ខេត្ត ទទួលបាការបណ្ដុះបណ្ដាលវគ្គ អាជ្ញាកណ្ដាលកីឡាបាល់ទះឆ្នេរខ្សាច់កម្រិត (គ ឬ C) ឆ្នាំ២០២៤។
សហព័ន្ធកីឡាបាល់ទះកម្ពុជា កាលពីថ្ងៃទី២ ខែមករា ឆ្នាំ២០២៣ បានរៀបចំបើកវគ្គបណ្ដុះបណ្ដាលអាជ្ញាកណ្ដាលកីឡាបាល់ទះឆ្នេរខ្សាច់កម្រិត (គ ឬ C) ឆ្នាំ២០២៤ នៅសាលប្រជុំនាយកដ្ឋានអប់រំកាយ និងកីឡា ពហុកីឡដ្ឋានជាតិអូឡាំពិក រាជធានីភ្នំពេញ។
ពិធីបើកវគ្គបណ្ដុះបណ្ដាលអាជ្ញាកណ្ដាលកីឡាបាល់ទះឆ្នេរខ្សាច់កម្រិត (គ ឬ C) ឆ្នាំ២០២៤ ក្រោមអធិបតីភាពលោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការ តំណាងឯកឧត្តមអភិសន្តិបណ្ឌិត ស សុខា ប្រធានសហព័ន្ធកីឡាបាល់ទះកម្ពុជា។
ក្នុងនោះផងដែរក៏មានការចូលរួមពី តំណាងនាយកដ្ឋានអប់រំកាយ និងកីឡា, តំណាងនាយកដ្ឋាន រៀបចំ និងគ្រប់គ្រងព្រឹត្តិការណ៍កីឡា, អគ្គលេខាធិការរង និងជាគ្រូឧទ្ទេស សហព័ន្ធកីឡាបាល់ទះកម្ពុជា៕