លោកបណ្ឌិត អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជា បានលើកឡើងថា៖ បាល់ទះឆ្នេរខ្សាច់ គឺជាកីឡាមួយប្រភេទដែលមានប្រជាប្រិយ៍ និងជាប្រភេទកីឡាទេសចរណ៍ មានព្រឹត្តិការណ៍ជាច្រើនផងដែរ។ សម្រាប់ការពង្រឹងវិស័យមួយនេះខ្ញុំគិតថា មិនមានភាពលំបាក់ទេ ប៉ុន្តែធ្វ់យ៉ាងណាឲ្យកីឡាករជឿទុកចិត្តជាមួយថ្នាក់ដឹកនាំរបស់សហព័ន្ធកីឡាបាល់ទះកម្ពុជា។
លោក បានបន្ថែមថា ជាក់ស្ដែងតាមប្រសាសន៍របស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា ចង់ឲ្យមានព្រឹត្តិកាណ៍ប្រកួតបាល់ទះឆ្នរខ្សាច់នេះកើកឡើង និងមានជាប្រចាំជារៀងរាល់ឆ្នាំ ដូចក្នុងបាល់តះក្នុងសាលដែរ។
លោកបញ្ជាក់ថា នៅឆ្នាំ២០២៤នេះការប្រកួតពានរង្វាន់បាល់ទះឆ្នេរខ្សាច់ត្រូវតែកើតឡើង។ នេះក៏ជាការបើកឱកាសឱ្យកីឡាករដែលលេងក្រៅប្រព័ន្ធអាចចូលរួមលេងក្នុងពាននេះបាន។ ដើម្បីរៀបចំពានរង្វាន់នេះបាន សហព័ន្ធនឹងងាករកវិស័យឯកជនដើម្បីវិនិយោគលើប្រភេទកីឡាបាល់ទះឆ្នេរខ្សាច់ និងរៀបចំនៅតាមបណ្ដាលខេត្តដែលមានឆ្នេរ ដើម្បីផ្សារភ្ជាប់ជាមួយវិស័យទេសចរណ៍។
ស្ដាប់ប្រសាសន៍របស់លោកបណ្ឌិត អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជា៖