ព្រឹត្រិការណ៍ប្រកួតពានរង្វាន់បាល់ទះ Special Volleyball Cup ឆ្នាំ២០២៤ គឺលេង ៤នាក់ទល់នឹង ៤នាក់ គ្រោងនឹងចាប់ផ្ដើមធ្វើការប្រកួតចាប់ពីចុងខែកុម្ភ: ឆ្នាំ២០២៤នេះតទៅ ដោយចាប់ផ្ដើមពីភូមិភាគខេត្តបាត់ដំបង។ ដែលក្រុម ១ដែលមានសមាជិក ៦រូបអាចចុះឈ្មោះចូលរួមការប្រកួតបាន។ ក្រុមនីមួយៗអាចមានកីឡាករខ្មែរសុទ្ធ កីឡាករខ្មែរលាយជាមួយបរទេស ឬកីឡាករបរទេសសុទ្ធក៏អាចចូលរួមប្រកួតបានដែរ។
លោក អាំង សិរីពិសិដ្ឋ អនុប្រធាន និងជាអគ្គលេខាធិការសហព័ន្ធកីឡាបាល់ទះកម្ពុជាថា បានមានប្រសាសន៍ថា៖ អ្វីដែលមានការភ្ញាក់ផ្អើល ចំពោះបងប្អូនប្រជាពលរដ្ឋកម្ពុជា ជាពិសេសអ្នកសេ្នហា កីឡាបាល់ទះទូទាំង ២៥រាជធានីខេត្ត គាត់នឹងមានឱកាសថ្មីមួយដែលសហព័ន្ធនឹងពាំនាំកាប្រកួតទោដល់ភូមិឋានរបស់ពួកគាត់ ជាពិសេសកម្មវិធីWurkz Special Volleyball Cup 2024 គឺជាព្រឹត្តិការណ៍ដ៏អស្ចារ្យមួយសម្រាប់ប្រជាពលរដ្ឋទូទាំង ២៥រាជធានីខេត្ត។
លោក បន្ថែមថា៖ ទន្ទឹមនឹងនោះការរៀបចំនេះក្នុងគោលបំណងគឺផ្ដល់ឱកាសទៅដល់អត្តពលិកដែលជាយុវជនបន្តរវេនដែលឲ្យពួកគាត់មានឱកាសក្នុងការបង្ហាញនូវសមត្ថភាពទេពកោសល្យទៅលើវិស័យបាល់ទះនៅលើទីលានប្រកួតជាក់ស្ដែង ទី២គឹជាសារមួយដែលផ្ដល់ទៅឲ្យអ្នកលេងក្រៅប្រព័ន្ធ ពីព្រោះព្រឹត្តការណ៍មួយនេះគឺជាការប្រកួត ៤នាក់ទល់នឹង ៤នាក់។
លោក បន្តថា៖ ដូច្នេះហើយយើងនឹងខំកែទៅដល់មហាជនដែលលេងបាល់ក្រៅប្រព័ន្ធងាកមកលេងបាល់ស្តង់ដារវិញ ទី៣គឺបង្កៀកព្រឹត្តិការណ៍កីឡាទៅដល់ភូមិឋានរបស់យុវជនរបស់យើង នេះជាគោលការណ៍ធំៗបី ដែលសហព័ន្ឋកីឡាបាល់ទះកម្ពុជាជាមួយនឹងក្រុមហ៊ុន Wurkz Cambodia ក្នុងការរៀបចំពាននេះឡើង ការធ្វើពាននេះគឹយើងធ្វើនៅ ៥ភូមិភាគធំៗ៖
- ភូមិភាគទី១ គឺភូមិភាគបាត់ដំបងដែលយើងចាប់ផ្ដើមនៅថ្ងៃទី ២៤-២៦ ខែកុម្ភៈ ឆ្នាំ២០២៤ ដូច្នេះ ចំពោះបណ្ដាលខេត្តដូចជា កំពង់ឆ្នាំង បាត់ដំបង ពោធិ៍សាត់ ប៉ៃលិន និងបន្ទាយមានជ័យ គាត់និងត្រូវដាក់ពាក្យនៅក្នុងការលេងនៅភូមិភាគបាត់ដំបងនេះជាដើម
- ភូមិភាគទី២ គឺភូមិភាគសៀមរាប ដែលចាប់ផ្ដើមពីថ្ងៃទី ២-៣ ខែមិនា ឆ្នាំ២០២៤ ដែលមានការចូលរួមតាមបណ្ដាលខេត្តដូចជា សៀមរាប កំពង់ធំ ឧត្តមានជ័យ និងព្រះវិហារជាដើម ដែលអាចចូលរួមបាន
- ភូមិភាគទី៣ គឺភូមិភាគកំពង់ចាម ដែលនឹងត្រូវរៀបចំនៅថ្ងៃទី ៩-១០ ខែមិនា ឆ្នាំ២០២៤ ដែលក្នុងនោះយើងមាន ក្រចេះ ស្ទឺងត្រែង រតនៈគិរី មណ្ឌលគិរី ត្បូងឃ្មុំ និងកំពង់ចាមដែលជាម្ចាស់ផ្ទះ
- ភូមិភាគទី៤ គឺព្រៃវែង ដែលមានកណ្ដាល ព្រៃវែងនិងបណ្ដាលខេត្តដែលមានជាប់ភូមិផងរបងជាមួយនឹងព្រៃវែង
- និងចុងក្រោយភូមិភាគខេត្តព្រះសីហនុដែលនឹងចាប់ផ្ដើមនៅថ្ងៃទី ២៣-២៤ ខែមិនា 2024 នៅក្នុងនោះយើងមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម
ម្ចាស់ជ័យលាភីទាង ៥ភូមិភាគដែលលខ១ និងលេខ២ពួកគាត់នឹងមាន visa សម្រាប់ធ្វើការប្រកួតនៅរាជធានីភ្នំពេញដែលគ្រោងនឹងរាបចំនៅថ្ងៃទី ២២-២៨ ខែមេសា ឆ្នាំ២០២៤ ដែលជាវគ្គផ្ដាច់ព្រ័ត្រដ៏អស្ចារ្យក្នុងនោះមណ្ឌលរាជធានីភ្នំពេញយើងនឹងផ្ដល់ឱកាសទៅដល់បណ្ដាល ក្លឺបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងតេជោលីគត្រូវឈរជើងចាំចំពោបេក្ខជនដែលមកតាមបណ្ដាលខេត្តឬភូមិភាគទាំង៥។
លោក អាំង សិរីពិសិដ្ឋ បានបង្ហាញចំណាប់អារម្មណ៍ថា៖ ខ្ញុំជឿជាក់ថាព្រឹត្តិការណ៍មួយនេះវានឹងអស្ចារ្យវាជាព្រឹត្តិការណ៍ថ្មីមួយទៀតដែលធ្វើឲ្យអ្នកស្នេហាកីឡាបាល់ទះកម្ពុជារបស់យើងមានការកើនឡើងមានអារម្មណ៍កាន់តែរំភើបចំពោះការលេងដ៏អស្ចារ្យនៅក្នុងប្រទេសកម្ពុជាមួយនេះ មួយវិញទៀតពានមហាជន Wurkz មួយនេះគឺយើងផ្ដល់លទ្ធភាពទៅដល់អត្តពលិកជាជនបរទេសមានន័យថាបណ្ដាលក្រុមដែលជាជនជាតិបរទេសគាត់អាចបង្កើតក្រុមមានគ្នា៦ អ្នកគឺអាចចូលរួមបានព្រោះលក្ខខណ្ឌតិកយើងមានកីឡាករ៤អ្នកនិងប្រតិភូលើទីលាននិងអ្នកដែល reservation ២អ្នកបួករួមទាងប្រតិភូដែលដឹកនាំមកចូលលេង។
លោកបន្ថែម៖ ខ្ញុំជឿជាក់ថាទោះជាបណ្ដាលជនបរទេសមកពីទ្វីបណាក៏ដោយយើងទទួលស្វាគមន៍ទាំងអស់ឲ្យតែគាត់ចូលរួមជាមួយនឹងព្រឹត្តិការណ៍មួយនេះ ហើយអ្វីដែលពិសេសនោះគឺចំពោះបណ្ដាលក្លឹបទាំង ៦ធំៗ នៅពេលដែលគាត់ជាក្លឹបដែលឈរចាំគាត់ចង់បញ្ចូនកីឡាកររបស់គាត់ទៅលេងតាមភូមិភាគអញ្ចឹង បុគ្គលដែលជាអត្តពលិកដែលរុញច្រានទៅលេងនៅតាមភូមិភាគគាត់មិនអាចមានឈ្មោះនៅក្នុងក្រុមដែលលេងនៅរាជធានីភ្នំពេញសម្រាប់ក្លឹបរបស់គាត់ទៀតទេ។
ដូចនេះ សូមឲ្យបណ្ដាលក្លឹបទាំងអស់មានការយកចិត្តទុកដាក់ក្នុងការរៀបចំក្រុមរបស់ខ្លួនរៀងៗខ្លួនពីព្រោះថាពីដើមទីឡើយគ្រប់បណ្ដាលពានទាំងអស់គឺយើងតែងតែលេងនៅរាជធានីភ្នំពេញហើយអ្នកនៅរាជធានីភ្នំពេញភាគច្រើនគឺទទួលពានដូចនេះឱកាសរបស់តាមបណ្ដាលខេត្តរបស់យើងគឹមានតិចតួចស្ដួចស្ដើងប៉ុន្តែលើកនេះគឺយើងបើកឱកាសឲ្យតាមបណ្ដាលខេត្តយើងឈ្នះពានមួយសិន ដូចនេះខ្លាំងក្នុងចំណោមខ្លាំង។
សហព័ន្ធកីឡាបាល់ទះកម្ពុជា ជឿជាក់ថាពីរក្រុមនៅតាមភូមិភាគទាំង ៥នេះគាត់នឹងធ្វើអ្វីដែលអស្ចារ្យដែលអាចមកដណ្ដើមពានដែលមានទឹកប្រាក់៥០លានរៀលនៅរាជធានីភ្នំពេញនៅថ្ងៃទី ២២ ដល់២៨ ដែលជាថ្ងៃផ្ដាច់ព្រ័ត្រនេះផងដែរមួយវិញទៀតគឹសុំអំពាវនាវដល់អ្នកស្នេហារវិស័យកីឡាបាល់ទះទាំងអស់ក៏ដូចជាក្លឹបទាំង ២៥រាជធានីខេត្តសូមមេត្តាដាក់ពាក្យចូលរួមប្រកួតប្រជែងទៅតាមបណ្ដាលភូមិភាគរបស់ខ្លួនរៀងៗខ្លួនហើយកាលកំណត់ឈប់ទទួលពាក្យគឺថ្ងៃទី១៣ ខែកុម្ភៈ ឆ្នាំ២០២៤។
ដូច្នេះ សហព័ន្ធកីឡាបាល់ទះកម្ពុជាលើកទឹកចិត្តឲ្យតាមបណ្ដាលខេត្តដាក់ពាក្យចូលរួមប្រកួតយកជ័យលាភីតាមភូមិភាគ និងមកទទួលបានឱកាសធំនៅវគ្គផ្ដាច់ព្រ័ត្ររាជធានីភ្នំពេញដើម្បីទទួលបានប្រាក់រង្វាន់ពីក្រុមហ៊ុន Wurkz ក៏ដូចជាសហព័ន្ធកីឡាបាល់ទះកម្ពុជា។
ប្រាក់រង្វាន់ថ្នាក់ខេត្ត
-លេខ១៖ ១១លានរៀល
-លេខ២៖ ៥លានរៀល
-លេខ៣៖ ២លានរៀល
-លេខ៤៖ ១លានរៀល
ប្រាក់រង្វាន់នៅរាជធានីភ្នំពេញ
-ជើងឯក៖ ៥០ លានរៀល
-លេខ២៖ ២០ លានរៀល
-លេខ៣៖ ១២ លានរៀល
ពានរង្វាន់ឯកតជនចំនួន៦ ក្នុង១ទទួលបាន១លានរៀល៕