ព្រឹត្តិការណ៍ប្រកួតកីឡាបាល់ទះ ៤x៤ ទូទាំងប្រទេស WURKZ SPECIAL VOLLEYBALL CUP 4×4 2024 គ្រោងនឹងចាប់ផ្ដើមប្រកួតនៅមណ្ឌលទី២ គឺខេត្តសៀមរាបដែលមានចំនួន ៩ក្រុមចូលរួម ដោយធ្វើឡើងនៅថ្ងៃសៅរ៍ ទី២ រហូតដល់ថ្ងៃអាទិត្យ ទី៣ ខែមីនា ឆ្នាំ២០២៤ ចាប់ពីម៉ោង៨:០០នាទីព្រឹកតទៅ នៅទីតាំង តារាងបាល់ទះ ១៦៨ស្ពត។
ក្រុមចំនួន៩ នឹងចូលរួមការប្រកួតនៅមណ្ឌលសៀមរាប នៅក្នុងកម្មវិធីប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 រួមមាន៖
១. ក្លិបកីឡាបាល់ទះ យុវជនសៀមរាប
២. ក្លិបវិទ្យាល័យសម្តេចឪ
៣. ព្រះវិហារយូណៃធីត
៤. ក្រុមកីឡាបាល់ទះឃុំត្បែង
៥. ក្លិបកីឡាបាល់ទះ អាចារ្យលាក់
៦. ក្លិបកីឡាបាល់ទះលោកតាឌីព្រះវិហារ
៧. ស្នងការដ្ឋាន ន.ប ខេត្តឧត្តរមានជ័យ
៨. ក្លិបកងពលធំអន្តរាគមន៍លេខ៣ (B)
៩. ស្នងការដ្ឋាន ន.ប ខេត្តសៀមរាប
សូមបញ្ជាក់ថាសម្រាប់គោលដៅទាំង ៥ ដែលគ្រោងរៀបចំពាន WURKZ SPECIAL VOLLEYBALL CUP 4×4 2024 ធំៗ មានដូចខាងក្រោម៖
- ភូមិភាគទី១ គឺភូមិភាគបាត់ដំបងដែលយើងចាប់ផ្ដើមនៅថ្ងៃទី ២៤-២៦ ខែកុម្ភៈ ឆ្នាំ២០២៤ មានបណ្ដាលខេត្តដូចជា កំពង់ឆ្នាំង បាត់ដំបង ពោធិ៍សាត់ ប៉ៃលិន និងបន្ទាយមានជ័យ ដោយបានរកឃើញម្ចាស់ជើងឯកគឺ បានទៅលើ ក្លិបកីឡាបាល់ទះបាត់ដំបង
- ភូមិភាគទី២ គឺភូមិភាគសៀមរាប ដែលចាប់ផ្ដើមពីថ្ងៃទី ២-៣ ខែមិនា ឆ្នាំ២០២៤ ដែលមានការចូលរួមតាមបណ្ដាលខេត្តដូចជា សៀមរាប កំពង់ធំ ឧត្តមានជ័យ និងព្រះវិហារជាដើម
- ភូមិភាគទី៣ គឺភូមិភាគកំពង់ចាម ដែលនឹងត្រូវរៀបចំនៅថ្ងៃទី ៩-១០ ខែមិនា ឆ្នាំ២០២៤ ដែលក្នុងនោះយើងមាន ក្រចេះ ស្ទឺងត្រែង រតនៈគិរី មណ្ឌលគិរី ត្បូងឃ្មុំ និងកំពង់ចាមដែលជាម្ចាស់ផ្ទះ
- ភូមិភាគទី៤ គឺព្រៃវែង ដែលមានកណ្ដាល ព្រៃវែងនិងបណ្ដាលខេត្តដែលមានជាប់ភូមិផងរបងជាមួយនឹងព្រៃវែង
- និងចុងក្រោយភូមិភាគខេត្តព្រះសីហនុ ដែលនឹងចាប់ផ្ដើមនៅថ្ងៃទី ២៣-២៤ ខែមិនា 2024 នៅក្នុងនោះយើងមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម។
ម្ចាស់ជ័យលាភីទាំង ៥ភូមិភាគដែលលខ១ និងលេខ២ ពួកគាត់នឹងមាន visa សម្រាប់ធ្វើការប្រកួតនៅរាជធានីភ្នំពេញដែលគ្រោងនឹងរៀបចំនៅថ្ងៃទី ២២-២៨ ខែមេសា ឆ្នាំ២០២៤ ដែលជាវគ្គផ្ដាច់ព្រ័ត្រដ៏អស្ចារ្យក្នុងនោះមណ្ឌលរាជធានីភ្នំពេញយើងនឹងផ្ដល់ឱកាសទៅដល់បណ្ដាល ក្លិបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងតេជោលីគត្រូវឈរជើងចាំចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥។
ព្រឹត្តិការណ៍ប្រកួតកីឡាបាល់ទះ WURKZ SPECIAL VOLLEYBALL CUP 4×4 2024 មានឧបត្ថម្ភផ្ដាច់មុខដោយភេសជ្ជ:ប៉ូវកម្លាំង WURKZ និង ក្រុមហ៊ុន ខ្មែរ ប៊ែវើរីជីស ទាំងការរៀបចំកម្មវិធី និងប្រាក់រង្វាន់៕
