MV ចម្រៀងួទីមួយដែលស្រីស្អាតម្ចាស់តំណែង Miss Universe Cambodia កញ្ញា សំណាង អេលីណា ចូលរួមសម្ដែងនៅក្នុងផលិតកម្មរាមជាសំនៀងដើមរបស់អ្នកនាង មាស សុខសោភា មានការគាំទ្រខ្លាំង។
កញ្ញាឯកចក្រវាឡ ឆ្នាំ២០១៩ កញ្ញា សំណាង អេលីណា បានចេញមកបង្ហាញក្ដីរំភើបក្រោយ MV បទចម្រៀងទីមួយដែលកញ្ញាបានចូលរួមសម្ដែងក្នុងបទចម្រៀង «ចាញ់ត្រង់ស្រលាញ់» បានចេញជាផ្លូវការចែកជូនដល់អ្នកគាំទ្របានទស្សនាកម្សាន្តកាលពីថ្ងៃទី១៤ ខែសីហា ឆ្នាំ២០២១ ទទួលបានការគាំទ្រច្រើនពីសំណាក់អ្នកគាំទ្រនៅលើ Channel YouTube ផ្លូវការរបស់ផលិតកម្ម រាម។
តួឯកស្រីរឿង «ស្នាមស្នេហ៍សមុទ្ររាម» ជំនាន់ថ្មីដៃគូលោក ខាត់វ៉ៃហាំង រូបនេះ បានចេញមកបង្ហោះពីក្ដីរីករាយតាមរយៈការចែករំលែកបទចម្រៀងដែលកញ្ញាសម្ដែងក្នុង MV ជាលើកដំបូងនៅលើហ្វេសប៊ុកផេករបស់កញ្ញាផ្ទាល់តែម្ដង។
ចង់ដឹងថាការសម្ដែងរបស់កញ្ញាសំណាង អេលីណា ដំបូងនៅក្នុង MV បានល្អយ៉ាងណា សូមទស្សនាវីដេអូខាងក្រោម៖
