លោក ម៉ែន សីហា ហៅ Oliva Kong អ្នកច្នៃម៉ូដ និងជាគ្រូដើរម៉ូដម្នាក់កំពុងមានឈ្មោះបោះសំឡេងក្នុងវិស័យសិល្បៈ គឺជាបុគ្គលដ៏លេចធ្លោមួយរូប ដែលបានលះបង់កម្លាំងកាយចិត្ត និងទ្រព្យធន់ផ្ទាល់ខ្លួន ដើម្បីឱ្យវិស័យមួយនេះមានការរីកចំរើន។
លោក Oliva Kong បានធ្វើការផុសនៅលើគណនីហ្វេសប៊ុករបស់លោកចែករំលែកនូវចំណុចសំខាន់ចំនួន៦ ដែលធ្វើឱ្យវិស័យ Fashion នៅប្រទេសកម្ពុជាមិនអាចរីកចំរើនជឿនលឿន ។
កាលពីថ្ងៃច័ន្ទទី១៦ ខែសីហា ឆ្នាំ២០២១ លោក Oliva Kong បានធ្វើការបង្ហោះនូវសំណេរមួយដែលបង្ហាញពីចំណុចសំខាន់ចំនួន៦ ដែលជាកត្តាធ្វើឱ្យវិស័យ Fashion នៅប្រទេសកម្ពុជាគ្មានការរីកចំរើន ដោយលោកបានលើកឡើងដូចតទៅ៖
* ហេតុអ្វីបានជាវិស័យ Fashion ក្នុងស្រុកខ្មែរគ្មានការរីកចំរើនៈ
1. ដោយសារតែខ្វះធនធានមនុស្សដែលមានចំនេះដឹងដែលទាក់ទងនឹងជំនាញ Fashion អោយបានច្បាស់លាស់
2. វិស័យអប់រំនៅមានកំរិត
3 . ខ្វះការចែករំលែក
4 . មិនជួយគាំទ្រ & មិនឲ្យតំលៃអ្វីដែរជាស្នាដែររបស់ជាតិខ្លួន
5 . ច្រណែន ,ឈ្នានីស ,បំផ្លាញ
6 . ចូលចិត្តចែករំលែកនូវ អំពើរអសីលធម្ម ដែលប្រាស់ចាកពីសង្គម
ការលើកឡើងរបស់អ្នកស្រលាញ់វិស័យ Fashion រូបនេះ ធ្វើឱ្យអ្នកគាំទ្រពេញចិត្ត ហើយថែមទាំងទទួលបានការសាទរនិងគាំទ្រច្រើនពីសំណាក់អ្នកលេងបណ្ដាញសង្គមយ៉ាងច្រើនផងដែរ។
លោក Oliva Kong មានស្រុកកំណើតនៅ ខេត្តពោធិ៍សាត់ បច្ចុប្បន្នលោកជា Fashion Designer Catwalk Trainer និង ជាស្ថាបនិក Queen Victoria៕
ទស្សនាវីដេអូព័ត៌មានខាងក្រោម៖