សិល្បៈអន្តរជាតិ៖ នៅក្នុងសម័យបច្ចុប្បន្ននេះកំពូលតារាសម្ដែងល្បីប្រចាំប្រទេសចិនកញ្ញា Dilraba បានក្លាយជាតារាសម្ដែងចិនតែម្នាក់គត់ដែលមានតម្លៃខ្លួន (តម្លៃពលកម្ម) ខ្ពស់បំផុត ដោយតម្លៃហត់នឿយដែលតារាសម្ដែងស្រីរូបនេះទទួលបានសម្រាប់ការសម្ដែងរឿងគឺនៅចន្លោះពី ៨០០-១០០លានយាន់ ឬ ប្រមាណពី ៧ ទៅ ១៤លានដុល្លារសហរដ្ឋអាមេរិក។
ក្រៅពីនេះកញ្ញា Dilraba គឺជាតារាសម្ដែងផ្នែកនារី ដែលបានក្លាយជាតំណាងម៉ាកសញ្ញា Global Brand Ambassador និង ជា Brand Ambassador ឱ្យក្រុមហ៊ុនធំៗលំដាប់ពិភពលោកច្រើនបំផុតផងដែរនៅក្នុងរង្វង់សិល្បៈចិន។ ក្នុងចំណោមនោះ ដូចបានឃើញមកញឹកញាប់ហើយគឺផលិតផលម៉ាក Dior សម្រាប់ Dilraba ត្រូវបានគេចាត់ទុកជាតារាសម្ដែងដែលមានប្រជាប្រិយភាពបំផុតរបស់ចិន៕
