ក្រុមបាល់ទះ Lavie Long An ដែលកីឡាករ គួន ម៉ុម កំពុងប្រកបអាជីព បានរងបរាជ័យក្រោមថ្វីដៃ Sanest Khánh Hòa ក្នុងលទ្ធផល ៣-០ (23-25, 22-25, 23-25) កាលពីយប់ថ្ងៃទី៣១ ខែមីនា នៃពានរង្វាន់បាល់ទះ ជើងឯកថ្នាក់ជាតិ ជុំទី១ ឆ្នាំ២០២៤។
កម្មវិធីប្រកួតរបស់កីឡាករ គួន ម៉ុម នៅក្លិបបាល់ទះ Long An ជើងទី១ រួមមានដូចជា៖
- នៅថ្ងៃទី៣១ ខែមីនា ឆ្នាំ២០២៤ Lavie Long An ០-៣ Sanest Khánh Hòa
- នៅថ្ងៃទី១ ខែមេសា ឆ្នាំ២០២៤ Lavie Long An ប៉ះ Danang ម៉ោង ២:០០រសៀល
- នៅថ្ងៃទី២ ខែមេសា ឆ្នាំ២០២៤ Lavie Long An ប៉ះ LP Bank Ninh Binh ម៉ោង ៨:០០យប់
- នៅថ្ងៃទី៥ ខែមេសា ឆ្នាំ២០២៤ Lavie Long An ប៉ះ Ha Tinh ម៉ោង ៥:០០រសៀល
- នៅថ្ងៃទី៦ ខែមេសា ឆ្នាំ២០២៤ Lavie Long An ប៉ះ Thể Công ម៉ោង ៨:០០យប់។
គួរដឹងថាកីឡាករ គួន ម៉ុម សមាជិករបស់សមាគមបាល់ទះវិសាខា បានផ្ទេរទៅចូលរួមជាមួយក្លិបបាល់ទះ Lavie Long An នៅប្រទេសវៀតណាម (ក្នុងលក្ខខណ្ឌខ្ចីជើង) ជាលើកទី២ កាលពីថ្ងៃចន្ទ ទី១១ ខែមីនា ដើម្បីចូលរួមប្រកួតប្រជែងក្នុងពានរង្វាន់បាល់ទះ ជើងឯកថ្នាក់ជាតិ ជុំទី១ ឆ្នាំ២០២៤៕