នៅព្រឹកថ្ងៃទីមួយ ខែមេសា ឆ្នាំ២០២៤ នេះ ទំព័រហ្វេសប៊ុក TVB Cambodia បានផុសចែកចាយដំណឹងមួយដែលធ្វើឱ្យអ្នកគាំទ្រខ្លួនមានក្ដីរំភើបក្រៃលែង តែក្ដីរភើបនោះមិនបានយូរនោះឡើយ ក្រោយដឹងការពិតដ៏ស្រងាកចិត្តមួយ។
បើមិនចាប់អារម្មណ៍ ឬ មិនដឹងប្រហែលជាអ្នកតាមដានជឿស្លុងនៅពេលដែមទំព័រហ្វេសប៊ុក TVB Cambodia បានបញ្ចេញផុសដ៏គួរឱ្យភ្ញាក់ផ្អើលមួយ ដោយបាននបង្ហោះថា៖ «ដំណឹងក្ដៅៗ! តារា TVB លោក Ruco Chan កំពុងស្ថិតនៅលើទឹកដីកោះរ៉ុង ប្រទេសកម្ពុជា»។ យ៉ាងណាមិញនោះគ្រាន់តែជាផុសលេងសើចប៉ុណ្ណោះមិនមែនជាការពិតនោះឡើយ ព្រោះអីនៅថ្ងៃទី១ ខែមេសា គឺជាទិវានិយាយកុហក ឬភាសាអង់គ្លេសហៅថា April’s Fool Day។
យ៉ាងណាមិញហ្វេនៗដែលដឹងរឿងបានឆ្លើយតបទៅនឹងផុសនោះថា Admin ថ្ងៃនេះជាថ្ងៃសីល ខណៈអ្នកខ្លះថាថ្ងៃសីលផង ផុសមិនពិតប្រយ័ត្នបាប ជាដើម៕