អ៊ីស្តង់ប៊ូល៖ អភិបាលនៃរដ្ឋធានីសេដ្ឋកិច្ចរបស់ប្រទេសតួកគី បាននិយាយថា អគ្គិភ័យបានសម្លាប់មនុស្សយ៉ាងហោចណាស់ ២៩នាក់នៅក្នុងអគារលំនៅដ្ឋានកម្ពស់ ១៦ជាន់ក្នុងទីក្រុងអ៊ីស្តង់ប៊ុល កាលពីថ្ងៃអង្គារ។ នេះបើយោងតាមការចេញផ្សាយដោយសារព័ត៌មាន CNA នាថ្ងៃពុធ ទី៣ ខែមេសា ឆ្នាំ២០២៤។ង
ការិយាល័យរបស់អភិបាលក្រុងអ៉ីស្ដង់ប៊ូល បាននិយាយនៅក្នុងសេចក្តីថ្លែងការណ៍មួយថា «ចំនួនមនុស្សដែលបានបាត់បង់ជីវិតក្នុងភ្លើង នៃសង្កាត់ Besiktas បានកើនឡើងដល់ ២៩នាក់ហើយ»។
សេចក្តីរាយការណ៍បានបន្ថែមថា៖ «មនុស្សម្នាក់ដែលរងរបួសក្នុងភ្លើងកំពុងត្រូវបានគេព្យាបាលនៅមន្ទីរពេទ្យនៅឡើយ»។
ការិយាល័យ បានឱ្យដឹងថា អគ្គីភ័យបានចាប់ផ្តើមនៅម៉ោង ១២:៤៧នាទីយប់ (ម៉ោងក្នុងស្រុក) ហើយត្រូវបានអ្នកពន្លត់អគ្គីភ័យគ្រប់គ្រងបានត្រឹមតែប៉ុន្មានម៉ោងក្រោយមកប៉ុណ្ណោះ។ ចំនួនមនុស្សដែលត្រូវបានរាយការណ៍ថាស្លាប់ និងរបួសបានកើនឡើងពេញមួយរសៀល នៅក្នុងសេចក្តីថ្លែងការណ៍ជាច្រើនពីការិយាល័យអភិបាលខេត្ត ខណៈដែលជនរងគ្រោះកាន់តែច្រើនបានស្លាប់ដោយសាររបួសរបស់ពួកគេ។
ទន្ទឹមនោះ អភិបាលក្រុងអ៉ីស្ដង់ប៊ូល លោក Davut Gul បានប្រាប់អ្នកយកព័ត៌មានថា អគ្គិភ័យបានឆាបឆេះអំឡុងពេលកម្មករកំពុងធ្វើការសំណង់នៅជាន់ទី១ និងជាន់ទី២ ខាងក្រោមដី ដែលជាក្លឹបរាត្រី។
រដ្ឋមន្ត្រីមហាផ្ទៃលោក Ali Yerlikaya បានបង្ហោះនៅលើ X ថា «យើងបានការស៊ើបអង្កេតពាក់ព័ន្ធនឹងអគ្គិភ័យនៅក្នុងក្លឹបរាត្រី Gayrettepe»។ ជាមួយគ្នា ទូរទស្សន៍ NTV បានរាយការណ៍ថា មនុស្ស៥នាក់ត្រូវបានចាប់ខ្លួននៅកន្លែងកើតហេតុ ពាក់ព័ន្ធនឹងការឆាបឆេះនេះ ។
លោក Ekrem Imamoglu អភិបាលក្រុង អ៉ីស្ដង់ប៊ូល ដែលទើបជាប់ឆ្នោតថ្មី ដែលបានប្រញាប់ប្រញាល់ទៅកាន់កន្លែងកើតហេតុ បាននិយាយថា «ភ្លើងកំពុងគ្រប់គ្រងហើយ។ ខ្ញុំសង្ឃឹមថា មិនមានជនរងគ្រោះទៀតទេ ហើយយើងសូមចូលរួមរំលែកទុក្ខ ចំពោះសាច់ញាតិរបស់អ្នកស្លាប់ និងរបួស៕
