សិល្បៈជាតិ៖ កាន់តែខិតជិតដល់មែនទែនហើយ សម្រាប់មហាព្រឹត្តិការណ៍ សង្ក្រាន្តព្រៃវែង២០២៤ ដែលនឹងប្រព្រឹត្តទៅនាទីរួមខេត្តព្រៃវែង នៅសួនច្បារសម្ដេចអគ្គមហាធម្មពោធិសាល ជា ស៊ីម ចាប់ពីថ្ងៃទី១២ រហូតដល់ថ្ងៃទី ១៦ ខែមេសា ឆ្នាំ២០២៤ ពោលគឺនៅសល់ត្រឹមតែ ៤ថ្ងៃទៀតតែប៉ុណ្ណោះ។ កម្មវិធីសង្ក្រាន្តព្រៃវែង ធ្វើឡើងដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ក្រោមកិច្ចសហការគ្នារវាងរដ្ឋបាលខេត្តព្រៃវែង និង ស.ស.យ.ក ខេត្តព្រៃវែង។
មុនដល់កម្មវិធី គេមើលឃើញពីការរៀបចំសណ្ដាប់ធ្នាប់និងការតុបតែងលម្អសួនច្បារ ការដំឡើងខ្លោងទ្វារសង្ក្រាន្តព្រៃវែង ២០២៤ ការដំឡើងខ្លោងទ្វារសង្ក្រាន្តព្រៃវែង និងការតុបតែងលម្អវិថីសន្តិភាព ការរៀបភ្លើងចំរុះពណ៌នាពេលរាត្រីនៅបរិវេណសួនច្បារសម្តេចអគ្គមហាពោធិសាល ជា ស៊ីម និងសួនច្បារសម្ដេច ក្រឡាហោម ស ខេង ការលេងល្បែងប្រជាប្រិយ ការប្រគំតន្ត្រីដែលមានការចូលរួមពីតារាល្បីៗប្រចាំព្រះរាជាណាចក្រកម្ពុជា កម្មវិធីប្រកួតអុកចត្រង្គ ការប្រកួតប្រុសស្អាតស្រីស្អាតវ័យចំណាស់ ការតាំងពិព័រណ៌ផលិតផលក្នុងស្រុក និងម្ហូបអាហារដ៏សំបូរបែប ការបង្ហោះគោម បាញ់កាំជ្រួច ជាពិសេសគឺមានរៀបចំតំបន់ត្រជាក់ចិត្ត ដែលមានបាញ់ទឹកនិងពពុះសាប៊ូ ដើម្បីផ្ដល់ភាពត្រជាក់ត្រជុំ និងសប្បាយរីករាយដល់អ្នកដែលបានមកដើរលេងកម្សាន្តនៅខេត្តព្រៃវែងផងដែរ។
បងប្អូនដែលមានបំណងទៅដើរលេងកម្សាន្តនៅខេត្តព្រៃវែង អាចចូលទៅកាន់ផេក សង្ក្រាន្តព្រៃវែង ដើម្បីជ្រាបកាន់តែច្បាស់ពីទីតាំងប្រារព្ធកម្មវិធីនានា៕
