ទំព័រប្រវត្តិសាស្ត្រថ្មីរបស់ក្រុមហ៊ុន Apple ដែលគ្រោងនឹងបញ្ចេញត្រកូល iPhone 16 Series ជំនាន់
ថ្មី របស់ខ្លួន ត្រូវបានគេរំពឹងថា នឹងបំពាក់ Chip ខ្លាំងបំផុតមិនធ្លាប់មាននៅក្នុង Flagship Phone របស់ខ្លួន ដោយ Chip នេះមានកម្លាំងខ្លាំងជាង Chip M3 ទៅទៀត។
ជាក់ស្ដែង Apple នឹងបន្ថែមចំណុចពិសេសថ្មីៗមានដូចជា Tetraprism 5x Optical zoom ទៅ iPhone 15 Pro Max ដែលមានស្រាប់ និងបានអាប់ដេតទៅ Ultrawide lens ទាំងម៉ូដែល Pro និង Pro Max ត្រូវបានគេរំពឹងថានឹងមានកាមេរ៉ាទំហំ 48MP Ultrawide កើនឡើងពី 12MP នៅលើម៉ូដែលមុនៗ។
ខាងក្រោមនេះគឺជាចំណុចអាប់ដេតថ្មីសំខាន់ចំនួន នៅលើក iPhone 16 Series ជំនាន់
ថ្មី៖
ប្រើបន្ទះឈីប Chip M3 (A18 Pro)
បន្ទះឈីប A17 Pro មានថាមពលខ្លាំង ប៉ុន្តែ Apple នឹងត្រូវបង្កើនល្បឿនជាមួយ A18 Pro ដើម្បីឱ្យ iPhone 16 Pro Max ប្រាកដថាជាទូរសព្ទដែលលឿនបំផុតដាច់គេ។ តាមរយ:ការធ្វើតេស្តនៅលើ Geekbench ការប្រើបន្ទះឈីA18 Pro អាចទទួលបានលទ្ធផល single-core នៃ 3,570 ពិន្ទុ multi-core ដល់ 9,310ពិន្ទុ វាខ្ពស់ជាង iPhone 15 Pro Series ដែលមានត្រឹម (2,890/7,914)។
Galaxy S23 Ultra បានបង្ហាញពិន្ទុ 2,300 និង 7,249 ជាមួយនឹងបន្ទះឈីប Snapdragon 8 Gen 3 ប៉ុន្តែលទ្ធផលលេចធ្លាយ single-core នៃ 3,500 សម្រាប់បន្ទះឈីប Snapdragon 8 Gen 4 នាពេលខាងមុខ ដែលធ្វើឱ្យក្រុមហ៊ុន Apple កាន់តែមិននៅស្ងៀម។
AI ជំនាន់ថ្មី
iPhone 16 Pro Max អាចនឹងទទួលបានការអាប់ដេត AI ជំនាន់ថ្មីជាមួយនឹងប្រព័ន្ធប្រតិបត្តិការព iOS 18 ដែលត្រូវបានគេរំពឹងថា នឹងចេញជាផ្លូវការនៅពេលឆាប់ៗខាងមុខនេះជាមួយនឹង iPhones ថ្មី ហើយនឹងត្រូវដាក់បង្ហាញនៅក្នុងព្រឹត្តិការណ៍ WWDC 2024 ក្នុងខែមិថុនា ខាងមុខ។
ជាក់ស្តែងក្រុមហ៊ុន Apple កំពុងតែធ្វើការវិនិយោគយ៉ាងខ្លាំងលើឧបករណ៍ AI ជំនាន់ថ្មី ជាច្រើនសម្រាប់ iPhone។ Apple ត្រូវបានគេរំពឹងថា កំពុងជំរុញកម្មវិធីរបស់ខ្លួនជាមួយ AI រួមមាន Music, Pages និង Keynote។ លើសបីនេះ Apple ក៏ត្រូវបានគេគិតថាកំពុងពិភាក្សាជាមួយ Google ដើម្បីផ្តល់អាជ្ញាប័ណ្ណផលិតផល Gemini របស់ខ្លួនសម្រាប់បង្កើត AI ។
Wi-Fi 7
គ្រប់គ្នាអាចហ្នឹងមិនទាន់បានឮអំពី Wi-Fi 7 ព្រោះវាជាបច្ចេកវិទ្យាថ្មី ហើយសម្រាប់ឧបករណ៍ Router Wi-Fi 7 ដែលល្អវាមានតម្លៃថ្លៃណាស់។ Wi-Fi 7 ផ្តល់ល្បឿនកាន់តែលឿន រួមជាមួយនឹងបណ្តាញជាច្រើនទៀត ដែលមានន័យថាកម្រិតបញ្ជូនកាន់តែច្រើនសម្រាប់ឧបករណ៍របស់អ្នក។ ពិសេសវាអាចដំណើរការជាមួយនឹងមុខងារ Multi-Link Operation របស់ iPhone 16 Pro Max ដែលអាចអោយអ្នកប្រើផ្ញើ និងទទួលទិន្នន័យ ក្នុងពេលតែមួយ នៅពេលអ្នកកមពុងដំណើរការកម្មវិធីផ្សេងៗ។
ថ្មកាន់បានយូរ
iPhone 15 Pro Max បានផ្តល់ថាមពលថ្មដ៏អស្ចារ្យ ដោយផ្អែកលើទិន្នន័យប្រើប្រាស់ ដែលមានរយៈពេល ១៤ម៉ោង និង ២នាទីនៅពេលបើកបណ្តាញ 5G ជាមួយនឹងថាមពលថ្ម ៤៤២២mAh។ ខណ:តាមរយ:ការលេចធ្លាយព័ត៌មានរបស់ Weibo និយាយថាថ្មរបស់ iPhone 16 Pro Max នឹងមានទំហំធំជាងនៅ ៤ ៦៧៦mAh ដែលប្រើប្រាស់បានរហូតដល់រយ:ពេល ១៦ម៉ោងនៅពេលបើកបណ្តាញ 5G ។ ខណ:ការប្រើប្រាស់ធម្មតា iPhone 16 Pro Max អាចផ្តល់ថាមពលថ្មដល់ទៅ ៣០ម៉ោង៕
