ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 2024 នឹងចាប់ផ្ដើមនៅរាជធានីភ្នំពេញ នៅដើមសប្ដាហ៍ក្រោយនេះ បន្ទាប់ពីរកឃើញក្រុមខ្លាំងទី១០ នៅ ៥ភូមិភាគរួចមក ដើម្បីឡើងមកកាន់ភ្នំពេញ។
សម្រាប់ការប្រកួត គឺមានរយ:ពេលពេញមួយសប្ដាហ៍ ចាប់ពីថ្ងៃចន្ទ ទី២២ មេសា រហូរដល់ថ្ងៃ អាទិត្យ ទី២៨ មេសា ដែលវគ្គផ្ដាច់ព្រ័ត្រ ដើម្បីរកឃើញម្ចាស់ជើងឯក នៅរដូវកាលទី១នេះ។ ការប្រកួតដែលមានក្រុមខ្លាំងៗ មកពីតាមបណ្ដាលខេត្តជាច្រើននេះ ក៏មានការផ្សាយជូនទស្សនា តាមរយ:ផេកហ្វេសបុក សារព័ត៌មានត្រយង ត្រយង TV និង Troryorng Sports ផងដែរ។
ក្រុមទាំង១០ ដែលឡើងទៅជុំផ្តាច់ព្រ័ត្រនៃព្រឹត្តិការណ៍ការប្រកួតពានរង្វាន់បាល់ទះ 4×4 ទូទាំងប្រទេស Wurkz Special Volleyball Cup 2024 នៅរាជធានីជធាភ្នំពេញមាន៖
- ភូមិភាគទី១ ប្រចាំមណ្ឌលបាត់ដំបង ជ័យលាភីលេខ១៖ ក្លិបកីឡាបាល់ទះបាត់ដំបង លេខ២៖ សមាគមកីឡាបាល់ទះក្រសួងមហាផ្ទៃ (B)
- ភូមិភាគទី២ ប្រចាំមណ្ឌលសៀមរាប ជ័យលាភីលេខ១៖ កងពលធំអន្តរាគម៍លេខ៣ (B) លេខ២៖ ស្នងការដ្ឋាន ន.ប ឧត្ដមានជ័យ
- ភូមិភាគទី៣ ប្រចាំមណ្ឌលកមពង់ចាម ជ័យលាភីលេខ១៖ ស្នងការដ្ឋាន ន.ប ខេត្តត្បូងឃ្មុំ លេខ២៖ ស្នងការដ្ឋាន ន.ប ខេត្តកំពង់ចាម
- ភូមិភាគទី៤ ប្រចាំមណ្ឌលព្រៃវែង ជ័យលាភីលេខ១៖ ស្នងការដ្ឋាន ន.ប រាជធានីភ្នំពេញ B លេខ២៖ ស្នងការដ្ឋាន ន.ប ខេត្តកណ្ដាល
- ភូមិភាគទី៥ ប្រចាំមណ្ឌលព្រះសីហនុ ជ័យលេភីលេខ១ បានលើស្នងការដ្ឋាន ន.ប ខេត្តព្រះសីហនុ លេខ២គឺ ក្លឹបបាល់ទះបុរីឈ្នះឈ្នះ។
ខណ:ក្រុមខ្លាំងចំនួន ៥នៅតេជោលីគ កំពុងឈរចាំមាន ដូចជា៖ ក្លិបកីឡាបាល់ទះកងពលធំអន្តរាគមន៍លេខ៣ A, សមាគមកីឡាបាល់ទះវិសាខា A, ក្លិបកីឡាបាល់ទះស្នងការដ្ឋាន នគរបាលខេត្តពោធិ៍សាត់, ស្នងការដ្ឋាននគរបាលរាជធានីភ្នំពេញ A និង សមាគមកីឡាបាល់ទះក្រសួងមហាផ្ទៃ A។
ដោយឡែកសម្រាប់ការចាប់ពូលប្រកួត សហព័ន្ធកីឡាបាល់ទះកម្ពុជា នឹងធ្វើការជម្រាប់ជូននាពេលឆាប់ៗនេះ។ បើមិនមានអ្វីប្រែប្រួលទេ នោះកម្មវិធីប្រកួតជុំផ្តាច់ព្រ័ត្រ នៅមណ្ឌលរាជធានីភ្នំពេញ នឹងចាប់ផ្តើមប្រកួតនៅថ្ងៃទី២២ ដល់ថ្ងៃទី ២៨ ខែមេសា ឆ្នាំ២០២៤៕
