ទោះជារៀបអាពាហ៍ពិពាហ៍ជាមួយភរិយាដែលជាខ្មែរអណិកជន រស់នៅសហរដ្ឋអាមេរិក តែអតីតតារាចម្រៀងប្រចាំផលិតកម្ម ហង្សមាស លោក នៅ ស៊ីនឿន នៅតែមិនភ្លេចកំណើត ភាពជាកូនខ្មែរ ដោយលោកតែងតែចូលរួមបង្ហោះផ្សព្វផ្សាយពីកម្ពុជា ឱ្យពិភពលោកបាន ស្គាល់ ជាពិសេសគឺចូលរួមឈឺឆ្អាល និងតែងតែលើកស្ទួយសិល្បៈវប្បធម៌ និងអរិយធម៌ខ្មែរ ដូចជាលោកទើបតែបង្ហោះរូបភាពក្នុងសំលៀកបំពាក់បុរាណសម័យអង្គរជាមួយនឹងឧត្តមភរិយានៅប្រាសាទអង្គរវត្តរបស់ខ្មែរ នៅថ្ងៃទី២០ ខែមេសា ឆ្នាំ២០២៤ នេះ។
លោក នៅ ស៊ីនឿន បានផុសរូបភាពដោយភ្ជាប់ជាមួយនឹងសំណេរ ដ៏សែនមានអត្ថន័យ នៅលើបណ្ដាញទំនាក់ទំនងសង្គមហ្វេសប៊ុកថា៖
៚ ស្រលាញ់អ្វីដែលខ្មែរមាន
៚ ចែករំលែកអ្វីដែលខ្មែរមាន
៚ ថែរក្សាអ្វីដែលខ្មែរមាន
៚ ខ្ញុំមានភព្វ័សំណាងខ្លាំងណាស់ដែលបានកើតជាកូនខ្មែរ
កម្ពុជាព្រះរាជាណាចក្រអច្ឆរិយៈ
Cambodia kingdom of wonder
ទង្វើ និងសកម្មភាពរបស់តារាចម្រៀងរូបនេះ ពិតជាស័ក្តិសមជាកុលបុត្រខ្មែរ ពិតៗ ត្បិតរស់នៅប្រទេសស៊ីវិល័យ តែមិនភ្លេចប្រទេសជាតិ នៅតែរក្សាឧត្តមគតិស្នេហាជាតិ និងស្រលាញ់វប្បធម៌ជាតិ ហើយសកម្មចូលរួមផ្សាយពី វប្បធម៌ខ្មែរ ទុកជាកេរដំណែល សម្រាប់ក្មេងៗជំនាន់ក្រោយ។