ក្រុមវិសាខា បានក្លាយជាម្ចាស់ជើងឯកនៃពានរង្វាន់ Wurkz Special volleyball 4×4 ក្រោយឈ្នះលើក្រុមក្រសួងមហាផ្ទៃ ដោយលទ្ធផល ៣សិតទល់នឹង១ នៅវគ្គផ្តាច់ព្រ័ត្រ ក្នុងសាលកីឡដ្ឋានជាតិអូឡាំពិក។
ក្រោមវត្តមានដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា បានអញ្ជើញចូលរួមកម្មពិធីបិទពានរង្វាន់បាល់ទះ និងប្រគល់ពានរង្វាន់ម្ចាស់ជ័យលេភី រួមទាំងជើងឯករងដោយក្នុងនោះ សមាគមបាល់ទះវិសាខា A ទទួលបានជ័យលាភីលេខ១ ទទួលបានមេដាយមាស និងថវិកា ចំនួន ៥០លានរៀល។
សមាគមបាល់ទះក្រសួងមហាផ្ទៃ A ទទួលបានជ័យលាភីលេខ២ ទទួលបានមេដាយប្រាក់ និងថវិកា ចំនួន ២០លានរៀល
ក្លិបកីឡាបាល់ទះកងពលធំអន្តរាគមលេខ៣ ទទួលបានជ័យលាភីលេខ៣ ទទួលបានមេដាយសំរឹទ្ធិ និងថវិកា ចំនួន ១២លានរៀល
ដោយលែកសម្រាប់ពានរង្វាន់ឯកត្តជនវិញឃើញថា៖
- Best setter/អ្នកលើកល្អជាងគេ បានទៅលើកីឡាករ សួន ចាន់ណារ៉ូ
- Best Blocker/អ្នកធ្វើរនាំងល្អជាងគេ បានទៅលើកីឡាករ មឿន ម៉េងឡាយ
- Best Spiker/អ្នកប្រយុទ្ធល្អជាងគេ បានទៅលើកីឡាករ គួន មុំ
- Best Sever/អ្នកវាយសេវ៉ាល្អជាងគេ បានទៅលើកីឡាករ សឿន ហេង
- The Most Valuenle Player/អ្នកប្រយុទ្ធល្អជាងគេ បានទៅលើកីឡាករ គួន មុំ
សូមរំលឹកដែរថា សម្រាប់ក្រុមទាំង១៥ ដែលបានចូលរួមប្រកួតគឺបានចាប់ឆ្នោតជា៤ពូល ក្នុង១ពូលមានក្រុម តែពូល D មាន៣ក្រុម ប្រើប្រាស់រូបមន្តសន្សំពិន្ទុ យក៤ក្រុមឡើងមកវគ្គពាក់កណ្តាលផ្តាច់ព្រ័ត្រ រួចបន្តប្រកួតដល់វគ្គផ្តាច់ព្រ័ត្រ។
ពានរង្វាន់ Wurkz Special volleyball 4×4 ឆ្នាំ២០២៤ បានចាប់ផ្តើមការប្រកួតជុំផ្តាច់ព្រ័ត្រ នៅថ្ងៃ២២ ខែមេសា នឹងបានបិទបញ្ចប់ជាផ្លូវការនៅថ្ងៃទី២៨ ខែមេសា ឆ្នាំ២០២៤ ៕
