តារាឯកប្រុសស្រីល្បីពីរដួងគឺបុរសសង្ហា លោក សេង មង្គល និងកញ្ញារូបស្រស់ កញ្ញា ហ៊ិន ចាន់នីរ័ត្ន នឹងចាប់គូគ្នា Live ផ្ទាល់លើហ្វេសប៊ុកជួបសំណេះសំណាលជាមួយនឹងអ្នកគាំទ្ររបស់អ្នកទាំងពីរនៅវេលាម៉ោង៨យប់នេះ។
យោងតាមការបង្ហោះពីលោក សេង មង្គល កាលពីថ្ងៃទី២៣ ខែសីហា ឆ្នាំ២០២១ កន្លងទៅលោកបានចែករំលែកដំណឹងដ៏រីករាយសម្រាប់អ្នកនិយមគាំទ្ររឿងភាគខ្មែរ ពិសេសអ្នកគាំទ្ររឿង «ទាសីបេះដូង» ជារឿងដែលលោកសម្ដែងជាគូនឹងកញ្ញា ហ៊ិន ចាន់នីរ័ត្ន ឱ្យបានជ្រាបថាលោក និង ដៃគូសម្ដែងដ៏ស័ក្ដិសម នឹង Live ផ្ទាល់លើ Facebook U.ME Cosmetic វេលាម៉ោង៨ យប់ថ្ងៃទី២៥ ខែសីហា នេះ។
ខណៈដែលកញ្ញា ហ៊ិន ចាន់នីរ័ត្ន នៅថ្ងៃទី២៥ ខែសីហា ឆ្នាំ២០២១ ក៏បានចែករំលែកសំណេរខាងលើរបស់លោក សេង មង្គល សុំឱ្យអ្នកគាំទ្រកុំភ្លេចចូលរួមការ Live ផ្ទាល់រវាងអ្នកទាំងពីរផងដែរ។
គួរដឹងថាលោក សេង មង្គល និង កញ្ញា ហ៊ិន ចាន់នីរ័ត្ន ត្រូវបានអ្នកគាំទ្រពេញចិត្តចិត្តពេញថ្លើម ហើយចាត់ទុកជាគូដ៏ស័ក្ដិសមរហូតមានអ្នកចង់ឱ្យសម្ដែងជាមួយគ្នាជាច្រើនរឿងថែមទៀត ចំណែកអ្នកខ្លះទៀតស្រមៃចង់ឱ្យអ្នកទាំងពីរសេពគប់គ្នាជាមគូស្នេហ៍ក្នុងជីិវិតពិត ឬរៀបការជាស្វាមីភរិយាទៀតផង៕
