ថ្វីត្បិតតែជំងឺកូវីដ-១៩ នៅតែបន្តញាំញី ពិភពលោក ធ្វើឱ្យមនុស្សមានការភ័យខ្លាច ប៉ុន្តែសម្រាប់វេទិកាប្រកួតសម្រស់ Miss World 2021នៅតែបន្តរៀបចំការប្រកួតតាមកាលបរិច្ឆេទកំណត់ចុងឆ្នាំ២០២១នេះដដែល។
សម្រាប់ឆ្នាំ២០២១ នេះ កញ្ញា ភុំ សោភ័ណ្ឌ បវរកញ្ញាពិភពលោកឆ្នាំ ២០២០ នឹងតំណាងប្រទេសកម្ពុជាទៅចូលរួមប្រកួតក្នុងវេទិកាប្រកួតសម្រស់បវរកញ្ញាពិភពលោកប្រចាំឆ្នាំ២០២១ (Miss World 2021) នៅប្រទេសព័រតូរីកូ។
បវរកញ្ញាពិភពលោកឆ្នាំ២០២០ គឺជាស្រីស្អាតញញឹមស្រស់ប្រកបទៅដោយទឹកដមស្នេហ៍ បច្ចុប្បន្ន កញ្ញា ភុំ សោភ័ណ្ឌ មានវ័យ១៩ ឆ្នាំ ជានិស្សិតឆ្នាំទីពីរ សិក្សានៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។ ម្ចាស់តំណែង Miss World Cambodia ២០២០ មានស្រុកកំណើតនៅខេត្តតាកែវ មានកម្ពស់ ១,៧០ និងមានទម្ងន់ ៥៥ គីឡូម៉ែត្រ។
យុវតីរូបនេះបានប្ដេជ្ញាយ៉ាងមុតមាំថានឹងធ្វើឱ្យបានល្អជាទីបំផុត សម្រាប់ការប្រកួតប្រជែងសម្រស់ Miss World 2021 នៅប្រទេសព័រតូរីកូនាងពេលខាងមុខនេះ។
សូមជំរាបថា កម្មវិធីប្រកួតបវរកញ្ញាពិភពលោកលើកទី៧០ ប្រចាំឆ្នាំ២០២១ នឹងប្រារព្ធឡើងនៅថ្ងៃទី១៦ ខែធ្នូ ឆ្នាំ២០២១ នារដ្ឋធានី San Juan (សាន់ហ័ន) ប្រទេសព័រតូរីកូ៕
