គ្រប់គ្នាប្រហែលជាមិនទាន់ភ្លេចស្រីស្រស់ជនជាតិបារាំង Lea Kyle កំពូលអ្នកប្ដូរសំលៀកបំពាក់លឿនដូចហោះជនជាតិបារាំងលើឆាកប្រកួត America’s Got Talent កាលពីខែកក្កដា កន្លងទៅនោះទេ ដោយកាលនោះនារីរូបនោះទទួលបានប៊ូតុងមាសពី Heidi Klum ថែមទៀតផង។
ប៉ុន្តែម្ដងនេះ ស្ត្រីវ័យ២៥ឆ្នាំរូបនេះកាន់តែបង្ហាញសមត្ថភាពទេពកោសល្យប្ដូរសំលៀកបំពាក់លឿនរហ័សកាន់តែខ្លាំងនិងអស្ចារ្យជាងមុនថែមទៀត។ សម្រាប់ការសម្ដែងរបស់ Lea បានធ្វើឱ្យគ្រប់គ្នាទទួលស្គាល់ថាបេក្ខនារីរូបនេះមិនគ្រាន់តែជានារីម្នាក់ធម្មតានោះទេ ប៉ុន្តែជាអ្នកស្ពិនភ្នែក ឬអ្នកសៀករហស្សកម្មដ៏ចំណានម្នាក់។
គណៈកម្មការទាំងអស់សុទ្ធតែកោតស្ញប់ស្ញែងនិងជក់ចិត្តចំពោះការសម្ដែងរបស់នារីបារាំងរូបនេះ ក្នុងនោះ Heidi ដែលធ្លាប់ផ្ដល់ប៊ូតុងមាសឱ្យ Lea បានលើកឡើងថា «រស់រវើកណាស់ អ្ន្កកបានបង្ហាញនូវទេពកោសល្យដ៏អស្ចារ្យ»
Simon Cowell និង Howie Mandel បានប្រកែកគ្នាទៅលើការសម្ដែងទេពកោសល្យរបស់នាង ដែលអាចនិយាយថាល្អខ្លាំងណាស់ ពិសេសនោះគឺការសម្ដែងរបស់នាងទាំងអស់សុទ្ធតែអស្ចារ្យបំផុត។
សូមចុចអាន បេក្ខនារីបារាំង Léa Kyle ដូរសំលៀកបំពាក់លឿនដូចចេះវេទមន្ត ទទួលបានប៊ូតុងមាស!
ប្រភព៖ 2oceansvibe