ក្រុមបាល់ទាត់អធិរាជដំរីឦសាន ក្នុងខេត្តរតនគីរី បានបង្ហោះពីប្លង់កសាងកីឡដ្ឋានបាល់ទាត់ថ្មីរបស់ខ្លួន ដោយអាចផ្ទុកទស្សនិកជនបានប្រមាណ៤ពាន់នាក់ នឹងសាងសង់ស្របតាមស្តង់ដាររបស់សហព័ន្ធកីឡាបាល់ទាត់ទ្វីបអាស៊ី (AFC) ថែមទៀតផង។
បើតាមការបញ្ជាក់របស់ក្លិបនៅល្ងាចថ្ងៃអង្គារ នេះលើកឡើងថា៖«យើងខ្ញុំគ្រួសារបាល់ទាត់ អធិរាជដំរីឦសាន មានកិត្តិយសបង្ហាញជូនប្រិយមិត្តនូវគំរូលក្ខណៈ 3D ជាជំហានដំបូង នៃអានាគតទីលានបាល់ទាត់ក្លិបរបស់យើង។ ADE STADIUM ជាទីលានស្តង់ដា AFC ដំបូងបង្អស់នៅខេត្តរតនគិរី និងសង្ឃឹមយ៉ាងមោះមុតដល់អ្នកគាំទ្រវិស័យបាល់ទាត់ខេត្តរតនគិរី យើងពេញចិត្ត និងមានមោទនភាព ព្រមទាំងអាចរួមចំណែកទាំងអស់គ្នាក្នុងការឧបត្ថម្ភគាំទ្រ និងចូលរួមជាដៃគូនៅពេលយើងចាប់ផ្តើមគំរោងសាងសង់និងឆាប់ល្អប្រសើរឡើងវិញ»។
