សុនខគឺជា សត្វដែលស្រលាញ់ការពារ និង ស្មោះចំពោះម្ចាស់ ហើយអាចការពារផ្ទះសំបែងផងដែរ។ ប៉ុន្ដែមនុស្សមួយចំនួនស្រលាញ់សត្វសុនខដែលមានអ្វីខុសពីសត្វសុនខធម្មតាដូចជា សុនខធំៗ ឬ សុនខតូចៗជាដើម។ ថ្ងៃនេះសារព័ត៌មានត្រយងសូមបង្ហាញពីសត្វសុនខដែលធំៗជាងគេបំផុតក្នុងពិភពលោកចំនួន ៤ ប្រភេទជូនលោកអ្នក។
១) Caucasian Shepherd ៖ ជាប្រភេទសុនខអ្នកគង្វៀលជនជាតិស្បែកស ដែលអាចការពារម្ចាស់ដោយមានភាពអង់អាច ក្លាហាន វាមានទម្ងន់រហូតដល់ ៥៩គីឡូក្រាម សត្វសុនខនេះបានស្ថិតនៅក្នុងបញ្ចីសុនខធំបំផុតក្នុងពិភពលោកនាឆ្នាំ ២០២១នេះ។ ថ្វីត្បិតតែវាជាសត្វសុនខដែលមានមាឌធំពិតមែន ប៉ុន្ដែវាមានភាពស្មោះត្រង់ ទន់ភ្លន់ យកចិត្តទុកដាក់បារម្ភពីម្ចាស់។
២) New Found Land ៖ ជាប្រភេទសុនខអ្នកនេសាទ ដែលត្រូវបានអ្នកនេសាទភាគច្រើនចូលចិត្តចិញ្ចឹម។ សុនខប្រភេទនេះខុសពីសត្វសុនខដទៃព្រោះគេមិនចិញ្ចឹមវាសម្រាប់យាមផ្ទះនោះទេ គឺគេចិញ្ចឹមដើម្បីទ្រទ្រង់អ្នកនេសាទលើនាវា ហើយអាចជួយការងារនៅលើនាវាដូចជា ការជួយសង្រ្គោះមនុស្សក្នុងទឹក ឬ លោតចុះទឹកដើម្បីយករបស់របរដែលធ្លាក់ពីនាវាចូលទឹក។ សុខននេះគឺមានសមត្ថភាពពិសេសគួរឲ្យចាប់អារម្មណ៍ ហើយគេដាក់ឈ្មោះថា ទាហានជើងទឹក។ សុនខប្រភេទនេះមានទម្ងន់រហូតដល់ទៅ ៩០គីឡូក្រាម ហើយមានអត្តចារឹកស្ងប់ស្ងាត់ ឆ្លាត ចេះជួយសង្រ្គោះ ហើយជាសត្វសុនខដែលចូលចិត្តមនុស្ស ជាពិសេសកុមារតូចៗ។
៣) Neapolitan Mastiff ៖ ជាសុនខដែលមានទម្ងន់រហូតដល់ ៧០គីឡូក្រាម មានសមត្ថភាពវៃឆ្លាត មិនគួរឲ្យជឿដែលអាចការពារគ្រួសារម្ចាស់របស់វា ហើយបានក្លាយជាសុខនយាមផ្ទះដ៏អស្ចារ្យ។ ប៉ុន្ដែពួកវាអាចបង្កបញ្ហា ប្រសិនបើគ្មានការបណ្ដុះបណ្ដាលត្រឹមត្រូវព្រោះវាមានចារឹកកាចសាហាវស្រាប់ ជាពិសេសវាកាចសាហាវនៅពេលដែលមានអ្នកណាឈ្លានពានចូលតំបន់របស់វាក្រៅពីម្ចាស់។ ជាទូទៅសុខនប្រភេទនេះត្រូវបានគេយកទៅយាមធនាគារ។
៤) Tosa Inn ៖ ជាសុនខយោធាជប៉ុន ដែលត្រូវបានគេហៅថា ជាអ្នកការពារដ៏អង់អាចក្លាហាន វាមានកម្ពស់ ៣២អ៊ីញ ហើយមានទម្ងន់ ៩០គីឡូក្រាម។ ហើយជាសុនខដែលត្រូវបានបង្កាត់ពូជ សម្រាប់ក្រុមប្រយុទ្ធ ព្រោះវាមានសាច់ដុំ និងមាឌរឹងមាំ ។
សត្វសនុខទាំង ៤ប្រភេទនេះ ត្រូវបានជាប់ក្នុងបញ្ចីសត្វសុនខធំជាងគេបំផុតក្នុងពិភពលោក ដែលមានសមត្ថភាពដ៏អស្ចារ្យខុសពីសុនខធម្មតា៕
ប្រភព៖ អត្ថបទស្រាវជ្រាវ