បច្ចុប្បន្នការសាងផ្នួស ហាក់កំពុងពេញនិយមក្នុងចំណោមបុគ្គលមានមុខមាត់ និងជាទីចាប់អារម្មណ៍ក្នុងសង្គម ព្រោះឱ្យតែមានបញ្ហា អ្នកទាំងអស់នោះ តែងតែនាំគ្នារត់ទៅសាងផ្នួសជ្រកពួនក្រោមម្លប់សាសនា ដែលធ្វើឱ្យសាធារណជន ពិសេសពុទ្ធបរិស័ទ បារម្ពថាទៅថ្ងៃមុខ ការបួសរៀន និងបួសសងគុណមាតា បិតា នឹងប្រែក្លាយទៅជាបួសគេចពីស្នេហា បួសគេចពីការឈឺចាប់ បួសគេចពីកំហុសជាដើម។ល។
សង្កេតឃើញថាមួយរយៈចុងក្រោយនេះ ឱ្យតែពេលមានបញ្ហាទាស់ទែង បញ្ហាចម្រូងចម្រាសនានា បុរសភាគច្រើនសុទ្ធតែនាំគ្នាទៅកោរសក់បួសថ្វាយខ្លួនក្នុងសាសនា ដែលមានឱ្យឃើញជាហូរហែ ដូចមាន៖ នាយ តាក់ស៊ី លោក សុវណ្ណ រិទ្ធិ លោក ឌួង ឆាយ លោក តាក់ស៊ី លោក (ប្រូ) សូនី លោក ហ៊ីង បញ្ញារិទ្ធ (ហៅពូម៉ៅ) និង លោក អេដវីន ជាដើម។
ខាងក្រោមនេះជារូបភាពបុរសដែលបានសម្រេចចិត្តសាងផ្នួសក្រោយជួបបញ្ហាបែកបាក់គ្នា៖