មានវត្តចំនួន២ បានរកឃើញវិជ្ជមានកូវីដ១៩ បន្ទាប់ពីក្រុមគ្រូពេទ្យស្ម័គ្រចិត្ត ចុះយកសំណាកព្រះសង្ឃ យាយជី តាជី និងក្មេងវត្ត នៅក្នុងខណ្ឌឫស្សីកែវ។
ផ្អែកតាមការជូនដំណឹងរបស់រដ្ឋបាលខណ្ឌឫស្សីកែវ បានឲ្យដឹងថា អាជ្ញាធរខណ្ឌ និងសង្កាត់ឫស្សីកែវ បានសហការជាមួយក្រុមគ្រូពេទ្យ TYDA បានយកសំណាកព្រះសង្ឃគង់នៅវត្តទាំង ៥ និងយាជី តាជី ក្មេងវត្តទាំងអស់ ក្នុងខណ្ឌឫស្សីកែវ សរុបទាំង៥វត្ត កាលពីថ្ងៃទី២៤ ខែកញ្ញា ម្សិលមិញនេះ។
ការយកសំណាក បានធ្វើឡើងចំពោះព្រះសង្ឃ ចំនួន ២០២អង្គ លោកអាចារ្យ យាយជី តាជី អ្នកស្នាក់នៅវត្ត ចំនួន ១៣៦នាក់ (ស្រី៤៤) ហើយជាលទ្ធផល មានវត្តចំនួន០២ រកឃើញមានអ្នជំងឺកូវីដ១៩ ក្នុងនោះមានវត្ត ញាណរង្សី វិជ្ជមាន ព្រះសង្ឃ ០២អង្គ និងវត្តទួលសុវណ្ណារ៉ាម រកឃើញ យាយជី ០៣នាក់ ចំពោះមុខព្រះសង្ឃ និងយាយជី ដែលរកឃើញ វិជ្ជមាន កូវីដ ១៩ ត្រូវបាននិមន្ត និងបញ្ជូនទៅសម្រាកព្យាបាលនៅ ពហុកីឡាដ្ឋានជាតិ៕